തിരുവനന്തപുരം: സംസ്‌ഥാനത്ത് മദ്യ വില ഫെബ്രുവരി ഒന്ന് മുതല്‍ വര്‍ധിക്കും. അടിസ്‌ഥാന വിലയില്‍ 30 രൂപ മുതല്‍ 40 രൂപ വരെയാണ് വില വര്‍ധിക്കുക. കണ്‍സ്യൂമര്‍ഫെഡ് ചില്ലറ വില്‍പന ശാലകളിലേതിനെക്കാള്‍ മൂന്നിരട്ടിയോളം കൂടുതലാണ് ബാറുകളില്‍ മദ്യത്തിന്റെ നിരക്ക്.
കോവിഡ് സെസ് പിന്‍വലിക്കുന്നതില്‍ തീരുമാനം പിന്നീടുണ്ടാകും എന്നാണ് അറിയുന്നത്.
അസംസ്‌കൃത വസ്‌തുക്കള്‍ക്ക് വില വര്‍ധിച്ച സാഹചര്യത്തില്‍ മദ്യത്തിന്റെ വില കൂട്ടണമെന്ന് മദ്യ കമ്പനികള്‍ ബിവറേജസ് കോര്‍പ്പറേഷനോട് നേരത്തെ ആവശ്യപ്പെട്ടിരുന്നു. ഇത് പരിഗണിച്ച് അടിസ്‌ഥാന വില ഏഴ് ശതമാനം വര്‍ധിപ്പിക്കണമെന്ന് സര്‍ക്കാരിനോട് ബെവ്‌കോ ആവശ്യപ്പെടുകയും ചെയ്‌തിരുന്നു. മദ്യക്കമ്പനികളുടെ ആവശ്യപ്രകാരം സര്‍ക്കാര്‍ തന്നെയാണ് വില വര്‍ധന പരിഗണിക്കാന്‍ ബിവറേജസ് കോര്‍പറേഷനോടു നിര്‍ദേശിച്ചിരുന്നത്.
Read Also: സര്‍ക്കാര്‍ ഓഫീസുകളിലെ ശനിയാഴ്‌ച അവധി ഇനിയില്ല
