തിരുവനന്തപുരം: സംസ്‌ഥാനത്ത് മദ്യവില കൂട്ടേണ്ടി വരുമെന്നത് വസ്‌തുതയാണെന്നും, ഇക്കാര്യം പരിഗണനയിൽ ഉണ്ടെന്നും വ്യക്‌തമാക്കി എക്‌സൈസ്‌ വകുപ്പ് മന്ത്രി എംവി ഗോവിന്ദൻ. എന്നാൽ ഇക്കാര്യത്തിൽ ഇതുവരെ നയപരമായ തീരുമാനം എടുത്തിട്ടില്ലെന്നും അദ്ദേഹം കൂട്ടിച്ചേർത്തു.
അതേസമയം തന്നെ സ്‌പിരിറ്റിന്റെ ലഭ്യതക്കുറവും, വിലവർധനയും സംസ്‌ഥാനത്തെ വലിയ രീതിയിൽ ബാധിച്ചിട്ടുണ്ടെന്നും, ബീവറേജസ്‌ കോർപറേഷൻ തന്നെ വലിയ നഷ്‌ടത്തിലാണെന്നും എക്‌സൈസ്‌ മന്ത്രി വ്യക്‌തമാക്കി. കേരളത്തിൽ നിലവിൽ സ്‌പിരിറ്റ്‌ ഉൽപാദിപ്പിക്കുന്നില്ല, കൂടാതെ വളരെ ചെറിയ തോതിൽ മാത്രമേ മദ്യവും ഉൽപാദിപ്പിക്കുന്നുള്ളൂ. സ്‌പിരിറ്റിന്റെ ലഭ്യതക്കുറവ് രൂക്ഷമായതോടെയാണ് സംസ്‌ഥാനത്ത് ജവാൻ ഉൽപാദനം കൂട്ടാൻ സാധിക്കാത്തത് എന്നും മന്ത്രി വ്യക്‌തമാക്കി.
Read also: രാജ്യത്തെ സസ്യ എണ്ണ ഇറക്കുമതിയിൽ വൻ ഇടിവ്
