കണ്ണൂർ: കൂട്ടുപ്പുഴ എക്സൈസ് ചെക്ക്പോസ്റ്റിൽ വാഹന പരിശോധനക്കിടെ കർണാടക മദ്യം പിടികൂടി. ബെംഗളൂരുവിൽ നിന്നും മീൻ ഇറക്കി തിരിച്ചു വരികയായിരുന്ന വാഹനത്തിൽ നിന്നുമാണ് 186 ലിറ്റർ മദ്യം പിടികൂടിയത്.
സംഭവത്തിൽ തലശ്ശേരി വടക്കുമ്പാട് സ്വദേശി ആശിഫ് (25) എന്നയാളെ അറസ്റ്റ് ചെയ്തു. ഇയാളെ മട്ടന്നൂർ കോടതിയിൽ ഹാജരാക്കും.
എക്സൈസ് ഇൻസ്പെക്ടർ അനീഷ് കെഎ, പ്രിവന്റീവ് ഓഫിസർ ഷനിൽ കുമാർ, സിവിൽ എക്സൈസ് ഓഫിസർമാരായ റിജുൻ സിവി, അഖിൽ പിജി, റിനീഷ് ഓർക്കാട്ടേരി, എക്സൈസ് ഡ്രൈവർ സോൾ ദേവ് എം എന്നിവരാണ് പരിശോധന നടത്തിയത്.
ഇരിട്ടിയിലൂടെയുളള മദ്യക്കടത്തും ഇപ്പോൾ പതിവാകുകയാണ്. ലോക്ക്ഡൗൺ ആരംഭിച്ച ശേഷം രണ്ടാഴ്ചക്കിടെ മാത്രം നിരവധി തവണയാണ് ഇരിട്ടിയിൽ നിന്നും പോലീസ് കർണാടക മദ്യം പിടികൂടിയത്.
Malabar News: കോവിഡ് വ്യാപനം; നീലഗിരിയിലേക്ക് പ്രവേശനം കർശന പരിശോധനക്ക് ശേഷം