തിരുവനന്തപുരം: സംസ്‌ഥാനത്ത് ലോക്ക്ഡൗണ്‍ 16 വരെ നീട്ടി. നിലവിലുള്ള നിയന്ത്രണങ്ങളെല്ലാം 16 വരെ തുടരും. വെള്ളിയാഴ്‌ച കൂടുതല്‍ കടകള്‍ തുറക്കാമെന്നും സർക്കാർ വ്യക്‌തമാക്കി. ചീഫ് സെക്രട്ടറി, ആരോഗ്യവകുപ്പ് സെക്രട്ടറി തുടങ്ങിയവര്‍ പങ്കെടുക്കുന്ന യോഗത്തില്‍ എല്ലാ വശങ്ങളും പരിശോധിച്ച ശേഷമാണ് തീരുമാനം.
നിലവിലെ സാഹചര്യത്തിൽ ലോക്ക്ഡൗണ്‍ പിന്‍വലിക്കുന്നത് രോഗികളുടെ എണ്ണം കൂട്ടുമെന്നാണ് ആരോഗ്യ വിദഗ്ധരുടെ അഭിപ്രായം. രോഗസ്‌ഥിരീകരണ നിരക്ക് 10ലും താഴെയെത്തിയ ശേഷം മാത്രം ലോക്ക്ഡൗണ്‍ പൂർണമായി പിൻവലിച്ചാൽ മതിയെന്നും ഇവർ നിർദ്ദേശിച്ചു.
രണ്ടാം തരംഗത്തിൽ ടിപിആർ 30ൽ നിന്ന് 15ലേക്ക് പെട്ടെന്ന് കുറഞ്ഞുവെങ്കിലും അതിനുശേഷം കാര്യമായ കുറവുണ്ടായില്ല. തുടർന്നാണ് മറ്റന്നാൾ വരെ നിബന്ധനകൾ കർശനമാക്കിയത്. നിയന്ത്രണം കുറച്ചു ദിവസം കൂടി തുടർന്നാൽ കോവിഡ് വ്യാപനം പിടിച്ചു നിർത്താൻ കഴിയുമെന്നാണ് വിലയിരുത്തൽ.
Read Also: സംസ്‌ഥാനത്ത് 2 ആശുപത്രികൾക്ക് കൂടി എന്‍ക്യുഎഎസ് അംഗീകാരം; ആരോഗ്യമന്ത്രി
