സുല്‍ത്താന്‍ ബത്തേരി: തദ്ദേശ തിരഞ്ഞെടുപ്പില്‍ മല്‍സരിക്കാന്‍ വയനാട്ടില്‍ കാര്‍ഷിക പുരോഗമന സമിതി രംഗത്ത്. വയനാട് ജില്ല പഞ്ചായത്ത് ഡിവിഷനുകളായ ചീരാല്‍, പുല്‍പള്ളി, ബത്തേരി ബ്ളോക്കില്‍ നമ്പികൊല്ലി ഡിവിഷന്‍, കല്‍പറ്റ ബ്ളോക്കില്‍ ചാരിറ്റി ഡിവിഷന്‍ എന്നിവിടങ്ങളില്‍ സ്‌ഥാനാര്‍ഥികളെ രംഗത്തിറക്കാന്‍ സമിതി നേതൃയോഗം തീരുമാനിച്ചു.
Malabar News: ജില്ലയില്‍ ഇന്ന് 641 പേര്‍ക്ക് കൂടി കോവിഡ് സ്‌ഥിരീകരിച്ചു
ഗ്രാമപഞ്ചായത്തുകളിലെ ചില വാര്‍ഡുകളിലും സമിതി മല്‍സരിക്കും. മറ്റ് ഇടങ്ങളില്‍ കര്‍ഷക താല്‍പര്യം സംരക്ഷിക്കുന്ന സ്‌ഥാനാര്‍ഥികളെ പിന്തുണക്കും. സംസ്‌ഥാന ചെയര്‍മാന്‍ പിഎം ജോയ് ചെയര്‍മാനായി അഞ്ചംഗ പാര്‍ലമെന്ററി ബോര്‍ഡ് ഇതിനായി രൂപവല്‍കരിച്ചു. ഡോ. പി ലക്ഷ്‌മണന്‍, ഗഫൂര്‍ വെണ്ണിയോട്, കെപി യൂസഫ് ഹാജി, ടിപി ശശി എന്നിവരാണ് അംഗങ്ങള്‍. കാര്‍ഷിക പുരോഗമന സമിതിയുടെ ജില്ലാ നേതൃയോഗത്തിലാണ് തീരുമാനങ്ങള്‍. യോഗം ബത്തേരിയില്‍ പിഎം ജോയി ഉല്‍ഘാടനം ചെയ്‌തു.
