ന്യൂഡെൽഹി: ഉയർന്ന നികുതി വ്യവസ്‌ഥ ഇന്ത്യയിലെ ആഡംബര കാർ വളർച്ചയെ പിന്നോട്ടടിക്കുന്നുവെന്ന് ജർമൻ വാഹന നിർമാണ കമ്പനിയായ ഓഡി. ഇറക്കുമതി ചെയ്യുന്ന മികച്ച വിഭാഗത്തിൽപ്പെട്ട വിവിധ ആഡംബര വാഹനങ്ങൾക്ക് വൻതുകയാണ് സർക്കാർ നികുതിയായി ഈടാക്കുന്നത്.
ഇതിന് പകരം ഇത്തരം ലെവികൾ കുറച്ചുകൊണ്ട് മേഖലയുടെ വളർച്ചയെ സഹായിക്കുന്ന നടപടികൾക്ക് സർക്കാർ തയ്യാറാവണമെന്ന് ഓഡിയുടെ ഇന്ത്യൻ വിഭാഗം ആവശ്യപ്പെട്ടു.
രാജ്യത്തെ ആഡംബര കാർ വിൽപന പ്രതിവർഷം മൊത്തത്തിലുള്ള പാസഞ്ചർ വാഹന വിൽപനയുടെ 2 ശതമാനത്തിൽ താഴെയാണ്. കഴിഞ്ഞ പത്ത് വർഷത്തിനിടെ ഈ വിഭാഗത്തിൽ കാര്യമായ പുരോഗതി ഉണ്ടായിട്ടില്ലെന്നും ഓഡി ചൂണ്ടിക്കാണിക്കുന്നു.
നികുതിയിലെ വർധനവാണ് ആഡംബര കാറുകളുടെ വളർച്ചയെ പിന്നോട്ടടിക്കുന്നതെന്നും മധ്യ വർഗത്തിന്റെ ജനപ്രിയ ബ്രാൻഡായ ഓഡി വ്യക്‌തമാക്കുന്നു. നേരത്തെ ടെസ്‌ല ഉൾപ്പെടെയുള്ള കമ്പനികൾ സമാന ആരോപണവുമായി രംഗത്ത് വന്നിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
