മലപ്പുറം: മഅ്ദിന് അക്കാദമിക്ക് കീഴില് റമളാന് ‘കാരുണ്യ കിറ്റുകള്’ വിതരണം ചെയ്തു. കോവിഡ് മൂലം കഷ്ടത അനുഭവിക്കുന്നവർക്കും സാമ്പത്തികമായി പിന്നോക്കം നില്ക്കുന്നവര്ക്കുമായി ജില്ലയിലെ വിവിധ ഭാഗങ്ങളിലായി പതിനയ്യായിരം കിറ്റുകളാണ് വിതരണം ചെയ്യുന്നത്.
വതരണോൽഘാടനം അറവങ്കരയില് നടന്നു. മഅ്ദിന് അക്കാദമി ജനറല് മാനേജര് സൈതലവി സഅദി വിതരണത്തിന് നേതൃത്വം നല്കി. റമളാൻ നടത്തി വരുന്ന കാരുണ്യ പ്രവര്ത്തനങ്ങളുടെ ഭാഗമായാണ് സഹായം വിതരണം ചെയ്തതെന്ന് മഅ്ദിന് അധികൃതർ വ്യക്തമാക്കി. വർഷങ്ങളായി മഅ്ദിന് തുടരുന്നതാണ് ഈ സാമൂഹ്യ സഹായ ഹസ്തമെന്നും അശരണരായ അനേകായിരം ആളുകൾക്കിത് ഒരനുഗ്രഹം ആണെന്നും സൈതലവി സഅദി പറഞ്ഞു.
സമസ്ത ജില്ലാ സെക്രട്ടറി ഇബ്റാഹീം ബാഖവി മേല്മുറി, ദുല്ഫുഖാറലി സഖാഫി, അബ്ദുൽ ജലീല് അസ്ഹരി, ബഷീര് സഅദി ആലത്തൂര്പടി, ശിഹാബലി അഹ്സനി എന്നിവര് വിവിധ സ്ഥലങ്ങളിൽ ‘കാരുണ്യ കിറ്റുകള്’ വിതരണം ചെയ്യാൻ നേതൃത്വം നല്കി.
Most Read: തൃശൂർ പൂരം മാറ്റിവെക്കണം; സർക്കാരിന് കത്തയച്ച് സാംസ്കാരിക പ്രവർത്തകർ