മലപ്പുറം: മഅ്ദിന് അക്കാദമിക്ക് കീഴില് വ്യാഴാഴ്ച രാവിലെ 10 മണിക്ക് ബദ്ർ അനുസ്മരണ പ്രാർഥനാ സംഗമം നടക്കും. കോവിഡ് വ്യാപന പാശ്ചാത്തലത്തില് ഓണ്ലൈനായാണ് പരിപാടി സംഘടിപ്പിക്കുന്നത്. സയ്യിദ് ശിഹാബുദ്ധീന് അഹ്ദല് മുത്തനൂര് പരിപാടിക്ക് നേതൃത്വം നല്കും. സ്വഫ് വാന് സഖാഫി പത്തപ്പിരിയം ബദ്ർ അനുസ്മരണ പ്രഭാഷണം നടത്തും; ഭാരവികൾ പത്രക്കുറിപ്പിൽ അറിയിച്ചു.
കോവിഡ് മഹാമാരിയില് നിന്നുള്ള മോചനത്തിനായി പ്രത്യേക പ്രാർഥന നടത്തും. സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് സ്വാലിഹ് ഖാസിം അല് ഐദ്രൂസി, സമസ്ത ജില്ലാ സെക്രട്ടറി ഇബ്റാഹീം ബാഖവി മേല്മുറി, സുലൈമാന് ഫൈസി കിഴിശ്ശേരി, അബ്ദുൽ ജലീല് സഖാഫി കടലുണ്ടി, അബൂബക്കര് സഖാഫി അരീക്കോട്, ദുല്ഫുഖാര് അലി സഖാഫി എന്നിവര് സംബന്ധിക്കും. പരിപാടി വീക്ഷിക്കുന്നതിന്: Youtube.com/MadinAcademy എന്ന ഓൺലൈൻ ചാനൽ ഉപയോഗിക്കാം; സംഘാടകർ പറഞ്ഞു.
Most Read: ഒരാളിൽ നിന്ന് 406 പേർക്ക് വരെ കോവിഡ് പകരാം; സാമൂഹിക അകലം അത്യാവശ്യം