മലപ്പുറം: മഅ്ദിന് അക്കാദമിയുടെ നേതൃത്വത്തിൽ സംഘടിപ്പിച്ച അറഫാദിന പ്രാർഥനാ സംഗമത്തില് ഓണ്ലൈനായി പതിനായിരങ്ങള് പങ്കെടുത്തു. ഉച്ചക്ക് 1ന് ആരംഭിച്ച് നോമ്പ്തുറ വരെ നടന്ന പരിപാടിയില് ഖുര്ആന് പാരായണം, സ്വലാത്ത്, സവിശേഷ പ്രാർഥനകൾ ഉൾപ്പടെയുള്ള അനുഷ്ഠാനങ്ങൾ നടന്നു.
മഅ്ദിന് ചെയര്മാന് സയ്യിദ് ഇബ്റാഹീമുല് ഖലീലുല് ബുഖാരി നേതൃത്വം നല്കി. ഹാജിമാര്ക്ക് വേണ്ടിയും മഹാമാരിയില് നിന്നുള്ള മോചനത്തിനും പ്രത്യേക പ്രാർഥന ഖലീല് ബുഖാരി തങ്ങൾ നിർവഹിച്ചു. മലപ്പുറം സ്വലാത്ത് നഗര് മഅ്ദിന് കാമ്പസിലാണ് പരിപാടി സംഘടിപ്പിച്ചത്.
സയ്യിദ് ശിഹാബുദ്ധീന് അഹ്ദല് മുത്തനൂര്, സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് ഖാസിം സ്വാലിഹ് അല് ഹൈദ്രൂസി, സമസ്ത ജില്ലാ സെക്രട്ടറി പി ഇബ്റാഹീം ബാഖവി മേല്മുറി, അബ്ദുൽ ജലീല് സഖാഫി കടലുണ്ടി, അബൂബക്കര് സഖാഫി കുട്ടശ്ശേരി, ശൗക്കത്തലി സഖാഫി മണ്ണാര്ക്കാട്, അബ്ദുൽ ഗഫൂര് സഖാഫി കൊളപ്പറമ്പ്, അഷ്റഫ് സഖാഫി പൂക്കോട്ടൂര് എന്നിവര് അറഫാദിന പ്രാർഥനാ സംഗമത്തിൽ സംബന്ധിച്ചു.
Most Read: സംസ്ഥാനത്ത് ലോക്ക്ഡൗൺ ഇളവുകള്; സുപ്രീം കോടതിയിൽ സർക്കാർ വിശദീകരണം നൽകി