സ്‌പെയിനിലെ ചലച്ചിത്ര മേളയില്‍ ശ്രദ്ധനേടി മലയാള ചിത്രം ‘ഇരുമ്പ്’; മാനവ് മികച്ച നടൻ

By Syndicated , Malabar News
Irumbu Movie
Ajwa Travels

സ്‌പെയിനിലെ ചലച്ചിത്രമേളയില്‍ ഇന്ത്യന്‍ നടന്‍ മാനവ് മികച്ച നടനുള്ള പുരസ്‌കാരം നേടി. ഫിസിമാഡ് ഇന്റര്‍നാഷണല്‍ ഫിലിം ഫെസ്‌റ്റിവലിലാണ് ‘ഇരുമ്പ്’ എന്ന ചിത്രത്തിലെ മാനവിന്റെ പ്രകടനത്തിന് വീണ്ടും അന്താരാഷ്‍ട്ര പുരസ്‌കാരം ലഭിച്ചത്. ഗേറ്റുവേ ഫിലിംസിന്റെ ബാനറില്‍ കെ നായര്‍ നിര്‍മിച്ച് പ്രദീഷ് ഉണ്ണികൃഷ്‌ണന്‍ സംവിധാനം ചെയ്‌ത ചിത്രമാണ് ഇരുമ്പ്. സ്‌പെയിനിലെ ഫിസിമാഡ് ഇന്റര്‍നാഷണല്‍ ഫിലിം ഫെസ്‌റ്റിവലില്‍ ആദ്യമായാണ് ഒരു മലയാള നടന് അവാര്‍ഡ് ലഭിക്കുന്നത്.

കൊമേഴ്‌സ്യൽ ഛായ വിട്ട് കലാമൂല്യമുള്ള ചിത്രങ്ങളുടെ കൂട്ടത്തിലാണ് ‘ഇരുമ്പ്’. ബലാൽസംഗം ചെയ്യപ്പെട്ട ഇരയുടെ കുടുംബത്തിലെ ഒരു പിതാവിന്റെയും മാതാവിന്റെയും ആത്‌മസംഘർഷങ്ങളുടെ നേർക്കാഴ്‌ചയാണ് ഈ സിനിമ. സാമൂഹിക പ്രസക്‌തമായ വിഷയം തീർത്തും വ്യത്യസ്‌തമായ രീതിയിൽ അവതരിപ്പിച്ചിരിക്കുന്ന ചിത്രമാണ് ഇരുമ്പ്.

തന്റെ രണ്ട് പെൺമക്കളെ ക്രൂരമായി പീഡിപ്പിച്ചു കൊലപ്പെടുത്തിയ കുറ്റവാളികളെ നീതിപീഡം ശിക്ഷിക്കാന്‍ മടിച്ചു നിന്നപ്പോള്‍ വിധി സ്വയം നടപ്പിലാക്കുന്ന ആന്റണി എന്ന കഥാപാത്രത്തെയാണ് മാനവ് ഇരുമ്പില്‍ അവതരിപ്പിച്ചത്. ആന്റണിയുടെ വൈകാരിക അവസ്‌ഥയെ കേന്ദ്രീകരിച്ചായിരുന്നു സിനിമ. ലോകത്തെ ഏറ്റവും മികച്ച 40 ചലച്ചിത്ര മേളകളില്‍ ചിത്രം ശ്രദ്ധ നേടിയിരുന്നു.

Read also: നട്ടെല്ലില്ലാത്തവർ; ഷമിക്കെതിരായ സൈബർ ആക്രമണത്തിൽ പ്രതികരിച്ച് കോഹ്‌ലി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE