അഗർത്തല: ബിജെപി എന്ന വൈറസിനുള്ള വാക്‌സിന്‍ മമതാ ബാനര്‍ജി മാത്രമാണെന്ന് തൃണമൂൽ കോൺഗ്രസ് ജനറൽ സെക്രട്ടറി അഭിഷേക് ബാനർജി എംപി. ത്രിപുരയില്‍ ഇടത്-വലത് മുന്നണികളെ തകര്‍ക്കുമെന്നും ബംഗാളില്‍ സംഭവിച്ചത് ത്രിപുരയില്‍ ആവര്‍ത്തിക്കുമെന്നും അദ്ദേഹം പറഞ്ഞു. ത്രിപുരയുടെ തലസ്‌ഥാനമായ അഗര്‍ത്തലയില്‍ നടന്ന റാലിയെ അഭിസംബോധന ചെയ്‌ത്‌ സംസാരിക്കുകയായിരുന്നു അഭിഷേക് ബാനർജി.
പശ്‌ചിമ ബംഗാള്‍ മുന്‍ മന്ത്രിയായ രാജീബ് ബാനര്‍ജിയും ത്രിപുരയിലെ ബിജെപി എംഎല്‍എയായ ആശിഷ് ദാസും റാലിയില്‍ വെച്ച് തൃണമൂലില്‍ ചേരുകയും ചെയ്‌തു. ബിജെപിയുടെ ഒരു കോട്ടയും സുരക്ഷിതമല്ലെന്ന് സൂചന നല്‍കാനുള്ള ബോധപൂര്‍വമായ നീക്കമാണ് രാജീബ് ബാനര്‍ജിയുടെ തിരിച്ചുവരവിന് അഗര്‍ത്തലയെ തന്നെ തിരഞ്ഞെടുക്കാന്‍ കാരണമെന്ന് മമതയോട് അടുത്ത വൃത്തങ്ങള്‍ സൂചിപ്പിക്കുന്നത്.
ബിജെപി എന്ന വൈറസിനുള്ള വാക്‌സിന്‍ മമതാ ബാനര്‍ജി മാത്രമാണെന്നും, ത്രിപുരയിലെ ജനങ്ങള്‍ക്ക് ഈ വാക്‌സിന്‍ രണ്ട് തവണ നല്‍കേണ്ടി വരുമെന്നും അദ്ദേഹം കൂട്ടിച്ചേര്‍ത്തു. ഇതില്‍ ആദ്യത്തെ ഡോസ് വരാനിരിക്കുന്ന തദ്ദേശ തിരഞ്ഞടുപ്പിലും, രണ്ടാമത്തേത് 2023ല്‍ നടക്കുന്ന പൊതുതിരഞ്ഞെടുപ്പിലും നല്‍കുമെന്നായിരുന്നു അഭിഷേക് ബാനര്‍ജി പറഞ്ഞത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
