കാസർഗോഡ്: തളങ്കരയിൽ യുവാവിനെ മരിച്ച നിലയിൽ കണ്ടെത്തി. തിരുവനന്തപുരം നെടുമങ്ങാട് സ്വദേശി ബി സജിത്ത് (28) ആണ് മരിച്ചത്. കൊലപാതകമെന്നാണ് പോലീസ് സംശയിക്കുന്നത്.
നുസ്രത് നഗറിലെ ഒഴിഞ്ഞ പറമ്പിലാണ് മൃതദേഹം കാണപ്പെട്ടത്. കമിഴ്ന്ന് കിടക്കുന്ന നിലയിലായിരുന്നു മൃതദേഹം ഉണ്ടായിരുന്നത്.
മൃതദേഹത്തിൽ വയറുഭാഗത്തായി മുറിവേറ്റിട്ടുണ്ടെന്ന് പരിശോധനയിൽ പോലീസ് കണ്ടെത്തി.
അതേസമയം സജിത്തിനൊപ്പം ഉണ്ടായിരുന്ന സുഹൃത്തിനെ കേന്ദ്രീകരിച്ചും അന്വേഷണം നടത്തുന്നുണ്ട്. ഫോറൻസിക് വിദഗ്ധര് അടക്കം സ്ഥലത്തെത്തിയിരുന്നു.
Malabar News: കളിസ്ഥലം സംരക്ഷിക്കണം; സമരം ശക്തമാക്കാൻ തീരുമാനം