കോഴിക്കോട്: എലത്തൂരിൽ കണ്ടൽക്കാടുകൾ വ്യാപകമായി വെട്ടി നശിപ്പിക്കുന്നതായി പരാതി. എലത്തൂരിലെ ഹിന്ദുസ്ഥാൻ പെട്രോളിയം ഡിപ്പോയോട് ചേർന്നുള്ള സ്ഥലത്ത് നിർമാണ പ്രവർത്തനങ്ങളുടെ ഭാഗമായാണ് കണ്ടൽക്കാടുകൾ നശിപ്പിക്കുന്നത്.
റോഡ് നിർമാണത്തിനായി കണ്ടൽക്കാടുകൾ നശിക്കുകയും തോട് നികത്തുകയും ചെയ്യുന്നുവെന്ന് നാട്ടുകാർ പരാതി നൽകിയതിനെ തുടർന്ന് വനംവകുപ്പ് സ്ഥലത്ത് പരിശോധന നടത്തി.
നേരത്തെ റവന്യൂ വകുപ്പിനും നാട്ടുകാർ പരാതി നൽകിയിരുന്നു. കണ്ടൽക്കാടുകൾ നശിപ്പിച്ചത് ശ്രദ്ധയിൽപ്പെട്ടിട്ടില്ല എന്നാണ് ഹിന്ദുസ്ഥാൻ പെട്രോളിയം ഡിപ്പോ മാനേജർ പ്രതികരിച്ചത്. എന്നാൽ പരാതി പരിശോധിക്കുമെന്ന് വനംവകുപ്പ് മന്ത്രി എകെ ശശീന്ദ്രൻ പറഞ്ഞു.
Read also: എസ്വൈഎസിന്റെ ‘ഹരിത മുറ്റം’ പദ്ധതി; സ്പീക്കർ എംബി രാജേഷ് ഉൽഘാടനം നിർവഹിച്ചു