പാലക്കാട് : നിയമസഭാ തിരഞ്ഞെടുപ്പിൽ മണ്ണാർക്കാട് മണ്ഡലത്തിലെ കോൺഗ്രസ് സ്‌ഥാനാർഥി എൻ ഷംസുദ്ധീൻ അട്ടപ്പാടിയിൽ പ്രചാരണം ആരംഭിച്ചു. ഹാട്രിക് വിജയം തേടിയാണ് എൻ ഷംസുദ്ധീൻ ഇത്തവണ തിരഞ്ഞെടുപ്പിനെ നേരിടുന്നത്. കഴിഞ്ഞ 10 വർഷമായുള്ള പരിചയവും സൗഹൃദവും പുതുക്കിയാണ് അദ്ദേഹം തിരഞ്ഞെടുപ്പ് പ്രചാരണം ആരംഭിച്ചിരിക്കുന്നത്.
രാവിലെ മുക്കാലിയിൽ തുടങ്ങി കക്കുപ്പടി, കൽക്കണ്ടി, താവളം ഫൊറോന പള്ളി, നെല്ലിപ്പതി സെന്റ് തോമസ് ആശ്രമം , കോൺവന്റ്, ഗൂളിക്കടവ് സ്‌നേഹ ഭവനം, ഗൂളിക്കടവ് ഫാത്തിമ മാതാ പള്ളി, ചെമ്മണ്ണൂർ യത്തീംഖാന എന്നിവിടങ്ങളിൽ അദ്ദേഹം സന്ദർശനം നടത്തി വോട്ടഭ്യർഥിച്ചു. യുഡിഎഫ് നിയോജക മണ്ഡലം കമ്മിറ്റി ചെയർമാൻ പിസി ബേബി, കോൺഗ്രസ് ബ്ളോക്ക് പ്രസിഡണ്ട് ഷിബു സിറിയക്, എം ആർ സത്യൻ, കെ ജെ മാത്യു, പി ഷറഫുദ്ദീൻ, ഈശ്വരി രേശൻ തുടങ്ങിയ യുഡിഎഫ് നേതാക്കളും പ്രവർത്തകരും തിരഞ്ഞെടുപ്പ് പ്രചാരണ പരിപാടിയിൽ പങ്കെടുത്തു.
Read also : പ്രതിഷേധം ഫലം കണ്ടു; കുറ്റ്യാടിയിൽ കെപി കുഞ്ഞമ്മദ് കുട്ടി തന്നെ എൽഡിഎഫ് സ്‌ഥാനാർഥി
