ന്യൂഡെല്ഹി: പെണ്കുട്ടികളുടെ വിവാഹ പ്രായം സംബന്ധിച്ച് ഉടന് തീരുമാനം എടുക്കുമെന്ന് പ്രധാനമന്ത്രി നരേന്ദ്ര മോദി. ഇതുമായി ബന്ധപ്പെട്ട കമ്മിറ്റി റിപ്പോര്ട്ട് ലഭിച്ചാലുടന് പെണ്കുട്ടികളുടെ വിവാഹത്തിനുള്ള ശരിയായ പ്രായം സര്ക്കാര് തീരുമാനിക്കുമെന്ന് പ്രധാനമന്ത്രി വ്യക്തമാക്കി.
‘നമ്മുടെ പെണ്മക്കളുടെ വിവാഹത്തിന് ശരിയായ പ്രായം തീരുമാനിക്കുന്നതിനുള്ള ചര്ച്ചകള് നടക്കുന്നുണ്ട്. ബന്ധപ്പെട്ട കമ്മിറ്റി എന്തുകൊണ്ട് ഇതുവരെ തീരുമാനം എടുത്തിട്ടില്ലെന്ന് ചോദിച്ച് രാജ്യത്തുടനീളം പെണ്മക്കള് എനിക്ക് കത്തെഴുതിയിട്ടുണ്ട്. കമ്മിറ്റി റിപ്പോര്ട്ട് വന്നയുടനെ സര്ക്കാര് തീരുമാനം എടുക്കും.’ ഭക്ഷ്യ-കാര്ഷിക മേഖലയുടെ വാർഷികത്തിന്റെ ഭാഗമായി 75 രൂപയുടെ നാണയം പുറത്തിറക്കുന്ന പരിപാടിയില് പ്രധാനമന്ത്രി നരേന്ദ്ര മോദി പറഞ്ഞു.
മാതൃമരണ നിരക്ക് കുറക്കുക, ഗര്ഭകാലത്തെ ആരോഗ്യ പ്രശ്നങ്ങള് ഒഴിവാക്കുക, വിളര്ച്ച ഇല്ലാതാക്കുക തുടങ്ങിയവ ലക്ഷ്യമിട്ട് പെണ്കുട്ടികളുടെ വിവാഹപ്രായം ഉയര്ത്തുമെന്ന് കഴിഞ്ഞ സ്വാതന്ത്ര്യ ദിന പ്രസംഗത്തില് തന്നെ പ്രധാനമന്ത്രി സൂചന നല്കിയിരുന്നു.
Read also: ബീഹാർ തിരഞ്ഞെടുപ്പ്; നിതീഷ് കുമാറിന് വേണ്ടി നരേന്ദ്രമോദി രംഗത്തിറങ്ങും