കോവിഡ് മുക്‌തനായി മന്ത്രി വി എസ് സുനില്‍ കുമാര്‍

By Team Member, Malabar News
Malabarnews_v s sunil kumar
V S Sunil Kumar
Ajwa Travels

തിരുവനന്തപുരം : കോവിഡ് ബാധിതനായി ചികിൽസയില്‍ കഴിഞ്ഞിരുന്ന മന്ത്രി വി എസ് സുനില്‍ കുമാര്‍ രോഗമുക്‌തനായി. തിരുവനന്തപുരം മെഡിക്കല്‍ കോളേജിലാണ് അദ്ദേഹം ചികില്‍സയില്‍ കഴിഞ്ഞിരുന്നത്. ആശുപത്രിയില്‍ നിന്നും ഡിസ്ചാര്‍ജ് ആയതായി മന്ത്രി അറിയിച്ചു. മന്ത്രി തന്നെയാണ് ഇക്കാര്യം ഫേസ്ബുക്കിലൂടെ അറിയിച്ചത്. ഇനിയുള്ള ഏഴ് ദിവസങ്ങളില്‍ തിരുവനന്തപുരത്തുള്ള വീട്ടില്‍ നിരീക്ഷണത്തില്‍ കഴിയുമെന്നും അദ്ദേഹം അറിയിച്ചു.

തന്റെ കോവിഡ് പരിശോധന ഫലം നെഗറ്റീവ് ആയെന്നും കഴിഞ്ഞ 11 ദിവസങ്ങളില്‍ ആശുപത്രിയില്‍ തന്നെ പരിചരിച്ച എല്ലാവരോടും നന്ദി അറിയിക്കുന്നതായും അദ്ദേഹം തന്റെ ഫേസ്ബുക്ക് പോസ്‍റ്റില്‍ വ്യക്‌തമാക്കി. ആശുപത്രിയില്‍ നിന്നും മികച്ച പരിചരണമാണ് ലഭിച്ചത്. തന്റെ രോഗ വിവരം അന്വേഷിച്ചവര്‍ക്കും രോഗമുക്‌തിക്കായി ആശംസിച്ചവര്‍ക്കും അദ്ദേഹം പോസ്‌റ്റില്‍ നന്ദി അറിയിച്ചു. ഒപ്പം ഏഴ് ദിവസത്തെ നിരീക്‌ഷണ കാലാവധി കൂടി കഴിഞ്ഞാല്‍ പ്രവര്‍ത്തനരംഗത്തേക്ക് വീണ്ടും ഊര്‍ജ്ജസ്വലമായി തിരിച്ചു വരാനാകുമെന്ന് പ്രതീക്‌ഷിക്കുന്നുവെന്നും അദ്ദേഹം കൂട്ടിച്ചേര്‍ത്തു.

കഴിഞ്ഞ മാസം 23 ആം തീയതിയും സുനില്‍ കുമാറിന് കോവിഡ് സ്‌ഥിരീകരിച്ചത്. ശേഷം അദ്ദേഹം തിരുവനന്തപുരം മെഡിക്കല്‍ കോളേജില്‍ ചികില്‍സയില്‍ ആയിരുന്നു. കേരളത്തില്‍ കോവിഡ് സ്‌ഥിരീകരിക്കുന്ന മൂന്നാമത്തെ മന്ത്രിയാണ് ഇദ്ദേഹം. മന്ത്രി തോമസ് ഐസക്, ഇ പി ജയരാജന്‍ എന്നിവര്‍ക്കാണ് നേരത്തെ കോവിഡ് സ്‌ഥിരീകരിച്ചത്.

Read also : ഹത്രസ് കേസ് സിബിഐക്ക്; നിര്‍ണായക നീക്കവുമായി യുപി സര്‍ക്കാര്‍

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE