ചെന്നൈ: മുൻനിര പോരാളികളിൽ മാദ്ധ്യമ പ്രവർത്തകരെയും ഉൾപ്പെടുത്തി തമിഴ്നാട് സർക്കാർ. ഡിഎംകെ അധികാരത്തിൽ വന്നതിനു ശേഷമുള്ള ആദ്യ തീരുമാനമാണിത്. ഡിഎംകെ പ്രസിഡണ്ട് എംകെ സ്റ്റാലിനാണ് ട്വിറ്ററിലൂടെ ഇക്കാര്യം അറിയിച്ചത്.
‘പത്ര-ദൃശ്യ-ശ്രവ്യ മാദ്ധ്യമ പ്രവർത്തകർ ജീവൻ അപകടത്തിലാക്കിയാണ് മഴയിലും വെയിലത്തും വെള്ളപ്പൊക്കത്തിലും ജോലി ചെയ്യുന്നത്. തമിഴ്നാട്ടിൽ അവരെ മുൻനിര പോരാളികളായി പ്രഖ്യാപിക്കും’-എംകെ സ്റ്റാലിൻ ട്വീറ്റ് ചെയ്തു. ഇതോടെ കൊറോണ വൈറസ് പ്രതിരോധ വാക്സിൻ വിതരണത്തിൽ ഉൾപ്പടെ മാദ്ധ്യമ പ്രവർത്തകർക്ക് മുൻഗണന ലഭിക്കും.
നേരത്തേ ബിഹാർ, പഞ്ചാബ്, മധ്യപ്രദേശ് തുടങ്ങിയ സംസ്ഥാനങ്ങളും മാദ്ധ്യമ പ്രവർത്തകരെ മുൻനിര പോരാളികളായി പ്രഖ്യാപിച്ചിരുന്നു.
Read also: ഓക്സിജന് ക്ഷാമം; അപായ സന്ദേശവുമായി ബെംഗളൂരുവിലെ ആശുപത്രികള്