അടുത്തിടെ ദുബായ് സന്ദര്‍ശനത്തിനിടെ നടത്തിയ വൈറലായ പാചക പരീക്ഷണ ചിത്രങ്ങള്‍ക്കു പിന്നാലെ മോഹന്‍ലാലിന്റെ പാചക വീഡിയോയും വൈറലാകുന്നു. മീന്‍ പൊരിക്കുന്ന വീഡിയോയാണ് ഇത്തവണ സോഷ്യല്‍ മീഡിയയില്‍ തരംഗമായത്.
മോഹന്‍ലാലിന്റെ സുഹൃത്തും വ്യവസായിയുമായ സമീര്‍ ഹംസയാണ് വീഡിയോ ഇന്‍സ്‌റ്റഗ്രാമിലൂടെ പങ്കുവച്ചിരിക്കുന്നത്. ‘ചൂടാണ്, തൊടരുത്’- എന്ന കുറിപ്പോടെയാണ് സമീര്‍ ഹംസയുടെ പോസ്‌റ്റ്. മീന്‍ പൊരിക്കുന്ന ലാലേട്ടനെയാണ് വീഡിയോയില്‍ കാണുന്നത്. ചൂടുള്ള പാനില്‍ ഇരിക്കുന്ന മീന്‍ പൊള്ളിച്ചെടുക്കുകയാണ് താരം. പാത്രത്തെ വട്ടംചുറ്റുന്ന ലാലേട്ടനെയും വീഡിയോയില്‍ കാണാം. പശ്‌ചാത്തത്തില്‍ ജസ്‌റ്റിന്‍ ബീബറിന്റെ ‘ഇന്റെന്‍ഷന്‍സ്’ എന്ന ഗാനവും കേള്‍ക്കാം. വീഡിയോ ഇവിടെ കാണാം.
