കോഴിക്കോട്: ബ്രിട്ടനിൽ നിന്ന് കോഴിക്കോട്ടെത്തിയയാൾക്ക് കോവിഡ്. ബുധനാഴ്‌ച രാവിലെ കോഴിക്കോട് എത്തിയ 36കാരനാണ് രോഗം സ്‌ഥിരീകരിച്ചത്‌. ബ്രിട്ടനിൽ ജനിതകമാറ്റം വന്ന കൊറോണ വൈറസ് സ്‌ഥിരീകരിച്ചശേഷം കേരളത്തിൽ എത്തിയവരിൽ റിപ്പോർട്ട് ചെയ്യുന്ന ആദ്യത്തെ പോസിറ്റീവ് കേസാണിത്. അതീവ ജാഗ്രതയോടെയാണ് ആരോഗ്യവകുപ്പ് ഇയാളെ പരിചരിക്കുന്നത്.
കൊച്ചിയിൽ വിമാനം ഇറങ്ങിയാണ് ഇയാൾ കോഴിക്കോട് എത്തിയത്. കോഴിക്കോട് മെഡിക്കൽ കോളേജ് സ്വദേശിയാണ്. ആന്റിജൻ പരിശോധനയിൽ കോവിഡ് സ്‌ഥിരീകരിച്ച ശേഷം ഇയാളെ മെഡിക്കൽ കോളേജ് ലാബിൽ ആർടിപിസിആർ പരിശോധനക്ക് വിധേയനാക്കി. സ്രവം പൂണെയിലേക്ക് അയച്ചു. ബ്രിട്ടനിൽ കണ്ടെത്തിയ ജനിതക മാറ്റം സംഭവിച്ച കൊറോണ വൈറസാണോ എന്ന് പരിശോധിക്കാനാണ് സ്രവം പൂണെയിലേക്ക് അയച്ചത്.
Read also: കോട്ടാംപറമ്പിലെ 2 കിണറുകളില്‍ ഷിഗെല്ല സാന്നിധ്യം; രോഗലക്ഷണങ്ങളോടെ 39 പേര്‍ ചികില്‍സയില്‍
