മലപ്പുറം: പൊന്നാനി നഗരസഭയുടെ 2021–22 വാര്ഷിക പദ്ധതി രൂപീകരണത്തിന്റെ ഭാഗമായി വികസന സെമിനാർ സംഘടിപ്പിച്ചു. തൃക്കാവ് മാസ് ഓഡിറ്റോറിയത്തിൽ നടന്ന സെമിനാർ സ്പീക്കർ പി ശ്രീരാമകൃഷ്ണൻ ഉൽഘാടനം ചെയ്തു. വിവിധ ജനവിഭാഗങ്ങളുടെ പ്രശ്നങ്ങളെ നേരില് അഭിമുഖീകരിച്ച് വികസന കാഴ്ചപ്പാടുകള് രൂപീകരിക്കുമ്പോഴാണ് ജനാധിപത്യം കൂടുതല് അർഥവത്താവുകയെന്ന് ചടങ്ങില് സ്പീക്കർ പറഞ്ഞു.
‘നവകേരളം-പുതിയ പൊന്നാനി’ എന്ന ദൗത്യവുമായി മുന്നേറുന്ന പൊന്നാനി നഗരസഭയുടെ വാര്ഷിക പദ്ധതി രൂപീകരണത്തിന്റെ ഭാഗമായി കരട് വികസന രേഖയും സെമിനാറിൽ അവതരിപ്പിച്ചു. കരട് രേഖ തയാറാക്കുന്നതിന്റെ ഭാഗമായി കഴിഞ്ഞ ദിവസം വിവിധ വര്ക്കിങ് ഗ്രൂപ്പുകളുടെ പൊതുയോഗം സംഘടിപ്പിച്ചിരുന്നു.
പതിനേഴ് വര്ക്കിങ് ഗ്രൂപ്പ് യോഗങ്ങളില് ഉയര്ന്നു വന്ന നിർദ്ദേശങ്ങൾ ക്രോഡീകരിച്ചാണ് കരട് പദ്ധതി രേഖ തയാറാക്കിയത്. വികസന സെമിനാറില് അവതരിപ്പിച്ച കരട് വികസനരേഖ വിവിധ ഗ്രൂപ്പുകള് ചേര്ന്ന് ചര്ച്ച ചെയ്തു. പുതിയ നിർദ്ദേശങ്ങളും ചേര്ത്ത് നഗരസഭ അന്തിമ വികസന രേഖ പ്രസിദ്ധീകരിക്കും.
Also Read: ഇന്ധനവില വർധന തുടരുന്നു; തിരിച്ചടിയിൽ വലഞ്ഞ് പൊതുജനം