ന്യൂഡെൽഹി: നേതാജി സുഭാഷ് ചന്ദ്രബോസിന്റെ പൂർണകായ പ്രതിമ ഇന്ത്യ ഗേറ്റിൽ സ്‌ഥാപിക്കുമെന്ന് പ്രധാനമന്ത്രി നരേന്ദ്രമോദി. ഗ്രാനൈറ്റിലാണ് പ്രതിമയുടെ നിർമാണം. നേതാജിയുടെ പ്രതിമ സ്‌ഥാപിക്കുന്നത് വരെ അതേസ്‌ഥലത്ത് ഹോളോഗ്രാം പ്രതിമ ഉണ്ടായിരിക്കുമെന്ന് പ്രധാനമന്ത്രി അറിയിച്ചു.
നേതാജിയുടെ ജൻമവാർഷിക ദിനമായ ജനുവരി 23ന് ഹോളോഗ്രാം പ്രതിമ ജനങ്ങൾക്ക് സമർപ്പിക്കും. ഗ്രാനൈറ്റിൽ 28 അടി ഉയരത്തിലും ആറടി വീതിയിലുമാണ് പൂർണകായ പ്രതിമ നിർമിക്കുന്നത്. ഇതേ സ്‌ഥലത്ത് ബ്രിട്ടീഷ് ചക്രവർത്തി ജോർജ് അഞ്ചാമന്റെ പ്രതിമയാണ് ഉണ്ടായിരുന്നത്. 1968ൽ ഇത് നീക്കം ചെയ്‌തിരുന്നു.
നേതാജിയുടെ ജൻമദിനമായ ജനുവരി 23 പരാക്രം ദിവസമായി ആചരിക്കുമെന്നും പ്രധാനമന്ത്രി അറിയിച്ചു. ഈ ദിവസം തന്നെ റിപ്പബ്‌ളിക് ആഘോഷങ്ങൾക്ക് തുടക്കം കുറിക്കുകയും ചെയ്യും.
Till the grand statue of Netaji Bose is completed, a hologram statue of his would be present at the same place. I will unveil the hologram statue on 23rd January, Netaji’s birth anniversary. pic.twitter.com/jsxFJwEkSJ
— Narendra Modi (@narendramodi) January 21, 2022
Also Read: വാക്‌സിന്‍ സംരക്ഷണം; മൂന്നാം തരംഗത്തില്‍ മരണം കുറവെന്ന് ആരോഗ്യ മന്ത്രാലയം
