കണ്ണൂര്‍: ജില്ലയില്‍ കോവിഡ് പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കുന്നതിന് ആരംഭിച്ച ‘നോ മാസ്‌ക് നോ എന്‍ട്രി, സീറോ കോണ്‍ടാക്റ്റ് ചലഞ്ച്’ ക്യാംപയികളുടെ ഭാഗമായുള്ള ബോധവല്‍ക്കരണ പോസ്‌റ്റര്‍ പ്രചാരണത്തിന് തുടക്കമായി. ജില്ലാ പഞ്ചായത്ത് ഓഫീസില്‍ പോസ്‌റ്റര്‍ പതിച്ചുകൊണ്ട് പ്രസിഡണ്ട് കെ വി സുമേഷ് പ്രചാരണം ഉല്‍ഘാടനം ചെയ്‌തു.
ജില്ലാ ദുരന്ത നിവാരണ അതോറിറ്റിയും ജില്ലാ ഇന്‍ഫര്‍മേഷന്‍ ഓഫീസും ചേര്‍ന്നാണ് വിവിധ പോസ്‌റ്ററുകള്‍ തയ്യാറാക്കിയത്. സര്‍ക്കാര്‍ ഓഫീസുകളിലും പൊതുസ്‌ഥലങ്ങളിലും പോസ്‌റ്ററുകളും ബോര്‍ഡുകളും സ്‌ഥാപിക്കും.
കൂടാതെ ജില്ലയിലെ എല്ലാ വാണിജ്യ, വ്യാപാര സ്‌ഥാപനങ്ങളിലും കോവിഡ് ബോധവല്‍ക്കരണത്തിന് ബോര്‍ഡുകള്‍ സ്‌ഥാപിക്കാന്‍ നിര്‍ദേശമുണ്ട്. മാത്രവുമല്ല ബസ്, ഓട്ടോ തുടങ്ങിയ പൊതുഗതാഗത വാഹനങ്ങളിലും ബോധവല്‍ക്കരണ പോസ്‌റ്ററുകള്‍ പതിക്കണം.
കച്ചവട-വാണിജ്യ സ്‌ഥാപനങ്ങള്‍, ഹോട്ടലുകള്‍ എന്നിവിടങ്ങളിലെല്ലാം വിവിധ സംഘടനകളുടെ നേതൃത്വത്തിലാണ് ബോധവല്‍ക്കരണ പ്രവര്‍ത്തനങ്ങള്‍ നടത്തുന്നത്.
എ ഡി എം ഇ പി മേഴ്‌സി, ആര്‍ ടി ഒ ഇ എസ് ഉണ്ണികൃഷ്‌ണന്‍, പഞ്ചായത്ത് ഡെപ്യൂട്ടി ഡയറക്റ്റര്‍ ടി ജെ അരുണ്‍, ജില്ലാ പഞ്ചായത്ത് സെക്രട്ടറി വി ചന്ദ്രന്‍, എല്‍ എസ് ജി ഡി എക്‌സി. എഞ്ചിനീയര്‍ കെ എന്‍ ബിജോയ്, ജില്ലാ ഇന്‍ഫര്‍മേഷന്‍ ഓഫീസര്‍ ഇ കെ പത്‌മനാഭന്‍, ജില്ലാ ആസൂത്രണ സമിതി അംഗം കെ വി ഗോവിന്ദന്‍ എന്നിവര്‍ ഉല്‍ഘാടന ചടങ്ങില്‍ സംബന്ധിച്ചു.
Malabar News: കുടുംബശ്രീ ഉല്‍പന്നങ്ങള്‍ വീട്ടുപടിക്കല്‍; ഹോം ഷോപ്പ് പദ്ധതിക്ക് തുടക്കം
