മൂന്ന് മാസമായി ശമ്പളം ഇല്ല; പാലക്കാട് മെഡിക്കൽ കോളേജിലെ ഡോക്‌ടർമാർ സൂചനാ സമരം നടത്തി

By Trainee Reporter, Malabar News
Representational Image

പാലക്കാട്: ശമ്പളം മുടങ്ങിയതിൽ പ്രതിഷേധിച്ച് പാലക്കാട് മെഡിക്കൽ കോളേജിലെ ഡോക്‌ടർമാർ സൂചനാ സമരം നടത്തി. ഒപി അടക്കം ബഹിഷ്‌ക്കരിച്ചായിരുന്നു പ്രതിഷധം സംഘടിപ്പിച്ചത്. മെഡിക്കൽ കോളേജിലെ പ്രൊഫസർമാർ ഉൾപ്പടെയുള്ള ഡോക്‌ടർമാർ പ്രതിഷേധത്തിൽ പങ്കെടുത്തിരുന്നു. കഴിഞ്ഞ മൂന്ന് മാസമായി ഇവർക്ക് ശമ്പളം മുടങ്ങിയിരിക്കുകയാണ്. വിഷയത്തിൽ നടപടി ഉണ്ടായില്ലെങ്കിൽ സമരം ശക്‌തമാക്കാനാണ് ഡോക്‌ടർമാരുടെ തീരുമാനം.

കഴിഞ്ഞ ഏപ്രിൽ മാസമാണ് അവസാനമായി ശമ്പളം ലഭിച്ചതെന്നാണ് ഡോക്‌ടർമാർ പറയുന്നത്. കോവിഡ് കാലത്തും സ്വന്തം ജീവൻ പണയം വെച്ച് പ്രവർത്തിച്ചിട്ടും മാനേജ്മെന്റിന്റെ ഭാഗത്തു നിന്നുണ്ടായ അനീതി മനുഷ്യത്വ രഹിതമാണെന്നും ഡോക്‌ടർമാർ പറഞ്ഞു. അത്യാഹിത വിഭാഗങ്ങളെ ഒഴിവാക്കിയായിരുന്നു സൂചനാ സമരം നടത്തിയത്.

പട്ടികജാതി വകുപ്പിന്റെ ഫണ്ടിൽ നിന്നാണ് ജീവനക്കാർക്ക് ശമ്പളം നൽകിയിരുന്നത്. എന്നാൽ, ഇത് തുടരുന്നതിന് നിയമപരമായ പ്രശ്‌നങ്ങൾ ഉണ്ടായതാണ് ശമ്പള  പ്രതിസന്ധിക്ക് കാരണമായതെന്നാണ് വകുപ്പ് അധികൃതരുടെ വിശദീകരണം. ശമ്പളം നൽകുന്നതിനായി പത്തു കോടി രൂപ നീക്കി വെച്ചിട്ടുണ്ടെന്നും പട്ടികജാതി വകുപ്പ് അറിയിച്ചു. കുടിശിക അടക്കമുള്ള ശമ്പളം ഉടൻ നൽകിയില്ലെങ്കിൽ മെഡിക്കൽ കോളേജിലെ എല്ലാ വകുപ്പുകളെയും പങ്കെടുപ്പിച്ച് അനിശ്‌ചിതകാല സമരം നടത്താനാണ് ഡോക്‌ടർമാരുടെ തീരുമാനം.

Read Also: ഒറ്റപ്പാലം നഗര വികസനം; കരട് പ്ളാനിന് സംസ്‌ഥാന സർക്കാരിന്റെ അംഗീകാരം

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE