ചെന്നൈ: കേരളത്തിലൂടെ ഓടുന്ന നാല് ട്രെയിനുകളിൽ കൂടി റിസർവേഷനില്ലാത്ത കോച്ചുകൾ അനുവദിച്ചു. മാവേലി, മലബാർ എക്‌സ്‌പ്രസ്, ചെന്നൈ- മംഗലാപുരം മെയിൽ, വെസ്‌റ്റ് കോസ്‌റ്റ് എക്‌സ്‌പ്രസ് എന്നീ ട്രെയിനുകളിലാണ് റിസർവേഷനില്ലാത്ത കോച്ചുകൾ അനുവദിച്ചത്. ജനുവരി ഒന്ന് മുതലാകും ഈ ട്രെയിനുകളിൽ ജനറൽ ടിക്കറ്റുകാർക്കും യാത്ര ചെയ്യാനാകുക.
പകൽ സമയങ്ങളിൽ ഓടുന്ന ഹ്രസ്വദൂര ട്രെയിനുകളിൽ റെയിൽവേ ഇതിനോടകം റിസർവേഷനില്ലാത്ത കോച്ചുകൾ പുനഃസ്‌ഥാപിച്ചിരുന്നു. മലബാർ, മാവേലി അടക്കമുള്ള രാത്രി ട്രെയിനുകളിൽ ജനറൽ കോച്ചുകൾ അനുവദിക്കാത്തത് സ്‌ഥിരം യാത്രക്കാരെ ഏറെ പ്രയാസത്തിൽ ആക്കിയിരുന്നു.
Also Read: മതനിന്ദ നടത്തിയാൽ തൂക്കിലേറ്റണം; ആള്‍ക്കൂട്ട കൊലകളെ ന്യായീകരിച്ച് സിദ്ദു
