കോഴിക്കോട്: ദേശീയപാത 66 വെങ്ങളം- രാമനാട്ടുകര റീച്ചിൽ പന്തീരാങ്കാവ് ഒളവണ്ണ ടോൾ പ്ളാസയിൽ മൂന്നാംതവണയും നിരക്ക് വർധിപ്പിച്ചു. അഞ്ചു മുതൽ 25 രൂപ വരെയാണ് വർധന. ടോൾ പ്ളാസയുടെ 20 കിലോമീറ്റർ പരിധിയിലെ മേൽവിലാസത്തിൽ രജിസ്റ്റർ ചെയ്ത സ്വകാര്യ വാഹനങ്ങളുടെ പ്രതിമാസ പാസിന്റെ നിരക്ക് 350 രൂപയിൽ നിന്ന് 360 രൂപയാക്കി.
ടോൾ ഏജൻസിൽ മാറിയിട്ടുണ്ട്. ഹുലെക്ക് പകരം സ്കൈലാർക്കിനാണ് മൂന്നുമാസത്തേക്ക് ചുമതല. ഹുലെ, വെട്ടിച്ചിറയിൽ തുടരും. വാർഷിക ഫാസ്റ്റാഗ് തുക മൂന്നുമാസം മുൻപ് 3075 രൂപയാക്കിയിരുന്നു. ഫാസ്റ്റാഗ് ഇല്ലാത്തവർ യുപിഐ വഴി പണം അടയ്ക്കുമ്പോൾ 25% തുക അടയ്ക്കേണ്ടി വരും.
2021 ഓഗസ്റ്റ് 15നാണ് ദേശീയപാത 66ൽ 28.4 കിലോമീറ്റർ വരുന്ന വെങ്ങളം- രാമനാട്ടുകര റീച്ചിൽ നിർമാണം ആരംഭിച്ചത്. 1700 കോടിയോളം രൂപ ചെലവിട്ടാണ് ഈ റീച്ചിന്റെ നിർമാണം പൂർത്തിയായത്. കിലോമീറ്ററിന് 63 കോടിയിലധികം രൂപ എന്ന സംസ്ഥാനത്തെ ദേശീയപാത ബൈപ്പാസ് നിർമാണത്തിലെ ഏറ്റവും ഉയർന്ന നിരക്കിലാണ് ഇത് പൂർത്തിയാക്കിയത്.
Most Read| ഭൂകമ്പത്തിൽ തകർന്ന വെനസ്വേലയെ അടുത്തറിയാം
