ടൊവിനോ തോമസ്, കല്യാണി പ്രിയദർശൻ എന്നിവരെ കേന്ദ്ര കഥാപാത്രങ്ങളാക്കി ഖാലിദ് റഹ്‌മാൻ സംവിധാനം ചെയ്യുന്ന ചിത്രം ‘തല്ലുമാല’യിലെ പുതിയ ഗാനം പുറത്തുവിട്ടു. ‘ഓളെ മെലഡി’ എന്ന് തുടങ്ങുന്ന ഗാനമാണ് ഇപ്പോൾ റിലീസ് ചെയ്‌തത്‌.
നടൻ സലിം കുമാർ, ഹരിചരൺ, ബെന്നി ദയാൽ, വിഷ്‌ണു വിജയ് എന്നിവർ ചേർന്നാണ് ഗാനം ആലപിച്ചിരിക്കുന്നത്. മുഹ്‌സിന്‍ പരാരിയുടെ വരികൾക്ക് ഈണം പകർന്നിരിക്കുന്നത് വിഷ്‌ണു വിജയ് ആണ്. ടൊവിനോയെയും കല്യാണിയെയും ഗാനത്തിൽ കാണാം. ചിത്രം ഓഗസ്‌റ്റ് 12ന് തിയേറ്ററിൽ എത്തും.
ആഷിക് ഉസ്‌മാന്‍ പ്രൊഡക്ഷന്‍സിന്റെ ബാനറില്‍ ആഷിഖ് ഉസ്‌മാന്‍ നിർമിക്കുന്ന ചിത്രത്തിൽ ഷൈന്‍ ടോം ചാക്കോ, ലുക്ക്മാന്‍, ചെമ്പന്‍ വിനോദ്, ജോണി ആന്റണി, ഓസ്‌റ്റിന്‍, അസീം ജമാല്‍ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ജിംഷി ഖാലിദ് ആണ് ഛായാഗ്രാഹകൻ. മുഹ്‌സിന്‍ പരാരി, അഷ്‌റഫ് ഹംസ എന്നിവരാണ് ചിത്രത്തിന്റെ രചന നിർവഹിച്ചിരിക്കുന്നത്.
Most Read: പ്രധാന നഗരങ്ങളില്‍ ക്ളീന്‍ സ്‌ട്രീറ്റ് ഫുഡ് ഹബ്ബ് യാഥാര്‍ഥ്യമാക്കും; ആരോഗ്യമന്ത്രി
