കോഴിക്കോട്: ഏകദിന കേരള സന്ദർശനത്തിനായി കേന്ദ്ര വാർത്താ വിതരണ പ്രക്ഷേപണ യുവജനകാര്യ കായിക മന്ത്രി അനുരാഗ് ഠാക്കൂർ കോഴിക്കോട് എത്തി. രാവിലെ കരിപ്പൂരിൽ വിമാന ഇറങ്ങിയ മന്ത്രിക്ക് ബിജെപി നേതാക്കൾ വൻ വരവേൽപ്പ് നൽകി. തുടർന്ന് ജൻമഭൂമിയുടെ കോഴിക്കോട് എഡിഷൻ അദ്ദേഹം ഉൽഘാടനം ചെയ്തു.
കേരളത്തിലെ അച്ചടി, ഇലക്ട്രോണിക് മാദ്ധ്യമങ്ങളിലെ ഉടമകളുമായും എഡിറ്റർമാരുമായും കേന്ദ്രമന്ത്രി ഉടൻ കൂടിക്കാഴ്ച നടത്തും. തുടർന്ന് ഉച്ചക്ക് കേന്ദ്ര വാർത്ത വിതരണ പ്രക്ഷേപണ മന്ത്രാലയത്തിന് കീഴിലുള്ള കൊച്ചിയിലെ പ്രസ് ഇൻഫർമേഷൻ ബ്യൂറോ സംഘടിപ്പിക്കുന്ന പരിപാടിയിലും അദ്ദേഹം പങ്കെടുക്കും.
ശേഷം വൈകിട്ടോടെ കോഴിക്കോട്ടെ സ്പോർട്സ് അതോറിറ്റി ഓഫ് ഇന്ത്യ പരിശീലന കേന്ദ്രം അനുരാഗ് ഠാക്കൂർ സന്ദർശിക്കുകയും അവിടുത്തെ ഉദ്യോഗസ്ഥരുമായും കായിക താരങ്ങളുമായും സംവദിക്കുകയും ചെയ്യും. ഏകദിന കേരള പരിപാടി കോഴിക്കോട് പൂർത്തിയാക്കിയ കേന്ദ്രമന്ത്രി രാത്രിയോടെ ഡെൽഹിയിലേക്ക് മടങ്ങും.
Most Read: ചോദ്യം ചെയ്യലിന് ഹാജരാകണം; ഷാജ് കിരണിന് നോട്ടീസ് അയച്ച് ഇഡി