വാടാനപ്പള്ളി: തൃത്തല്ലൂരിൽ ബൈക്കുകൾ കൂട്ടിയിടിച്ച് യുവാവ് മരിച്ചു. അപകടത്തിൽ 3 പേർക്ക് പരിക്കേറ്റു. വാടാനപ്പള്ളി തൃത്തല്ലൂർ വന്നേരി വീട്ടിൽ ഗോകുൽ (26) ആണ് മരിച്ചത്. നടുവിൽക്കര സ്വദേശി സായൂജ്, വടകര സ്വദേശികളായ രാഹുൽ, അർജുൻ എന്നിവർക്കാണ് പരിക്കേറ്റത്. ഇവരെ ആദ്യം ഏങ്ങണ്ടിയൂർ എംഐ ആശുപത്രിയിലും ശേഷം തൃശൂരിലെ സ്വകാര്യ ആശുപത്രിയിലും പ്രവേശിപ്പിച്ചു.
ചൊവ്വാഴ്ച രാത്രി 10.30ഓടെ തൃത്തല്ലൂരിലാണ് അപകടം നടന്നത്. ഗോകുൽ യാത്ര ചെയ്തിരുന്ന സ്കൂട്ടറിൽ പരിക്കേറ്റവർ സഞ്ചരിച്ച ബൈക്ക് ഇടിക്കുകയായിരുന്നു. ഗോകുൽ സംഭവ സ്ഥലത്ത് വെച്ച് തന്നെ മരിച്ചു.
Read also: പഞ്ചാബ് അതിര്ത്തിയില് രണ്ട് പാക് ഭീകരര് കൊല്ലപ്പെട്ടു