തിരുവനന്തപുരം: വാഹനങ്ങളിലെ കൂളിങ് ഫിലിമും കര്ട്ടനുകളും കണ്ടെത്താന് സംസ്ഥാനത്ത് മോട്ടോര് വാഹന വകുപ്പിന്റെ ‘ഓപ്പറേഷന് സ്ക്രീന്’ പരിശോധന തുടങ്ങി. രാവിലെ തിരുവനന്തപുരത്ത് ആര്ടിഒമാരുടെ നേതൃത്വത്തില് ആരംഭിച്ച പരിശോധനയില് നിരവധി വാഹനങ്ങളാണ് കുടുങ്ങിയത്.
കൂളിങ് ഫിലിമും കര്ട്ടനുകളുമായെത്തിയ വാഹനങ്ങളെ അധികനേരം തടഞ്ഞു നിര്ത്താതെ ഫോട്ടെയെടുത്ത് ഇ- ചെലാന് വഴി പിഴ മെസേജയക്കുകയാണ് ചെയ്യുന്നത്. 1250 രൂപയാണ് പിഴ. പിഴ ചുമത്തിയ ശേഷവും കര്ട്ടനുകളും കൂളിങ് ഫിലിമുകളും നീക്കം ചെയ്തില്ലെങ്കില് രണ്ടാം ഘട്ടത്തില് രജിസ്ട്രേഷന് റദ്ദാക്കുമെന്നാണ് മുന്നറിയിപ്പ്.
സംസ്ഥാനത്തെ എല്ലാ വാഹനങ്ങളും കൂളിങ് ഫിലിമും കര്ട്ടനുകളും ഒഴിവാക്കണമെന്നാണ് ഉത്തരവ്. ഇസഡ് കാറ്റഗറി സുരക്ഷയുള്ളവര്ക്കും മുഖ്യമന്ത്രിക്കും മാത്രമാണ് ഇതില് ഇളവുള്ളത്. പരാതികള് പൊതുജനങ്ങള്ക്കും അറിയിക്കാം. റോഡ് സുരക്ഷാ മാസം, ഹെല്മറ്റ് ചലഞ്ച് തുടങ്ങിയ പദ്ധതികള്ക്ക് ഒപ്പമാണ് മോട്ടോര് വാഹന വകുപ്പ് ഓപ്പറേഷന് സ്ക്രീനും കൊണ്ടുവന്നിരിക്കുന്നത്.