പാലക്കാട്: ജില്ലാ നഗരസഭയിൽ ബിജെപി മുന്നേറ്റം തുടരുന്നു. ഒൻപത് സീറ്റുകളിൽ ബിജെപിക്ക് വ്യക്‌തമായ ലീഡുണ്ട്. യുഡിഎഫിനും എൽഡിഎഫിനും മൂന്നു വീതം, മറ്റുള്ളവർ ഒന്ന് എന്നാണ് ഇവിടുത്തെ ലീഡ് നില. ഒറ്റപ്പാലം നഗരസഭയിൽ ബിജെപി ഏഴ് ഇടങ്ങളിൽ ലീഡ് ചെയ്യുന്നു. മണ്ണാർക്കാട് നഗരസഭയിൽ ബിജെപി ഒരിടത്ത് മേൽക്കൈ നേടിയിട്ടുണ്ട്. ഇവിടെ 11 വാർഡുകളാണ് എണ്ണിയത്. യുഡിഎഫിന് ആറ്, എൽ‌ഡിഎഫിന് മൂന്ന്, സ്വതന്ത്ര ഒന്ന് എന്നിങ്ങനെയാണ് ഇവിടെ നിലവിലെ കക്ഷിനില. അതേസമയം പറളി പഞ്ചായത്തിൽ എൽഡിഎഫും ബിജെപിയും ഒപ്പത്തിനൊപ്പമാണ്. ബിജെപി ഭരണം പിടിക്കാൻ ലക്ഷ്യമിടുന്ന പഞ്ചായത്തുകളിൽ ഒന്നാണിത്.
പാലക്കാട് നഗരസഭയിൽ കോൺഗ്രസ് വിമതൻ വിജയിച്ചു. 11ആം വാർഡിലെ സ്‌ഥാനാർഥി കെ ഭവദാസ് ആണ് വിജയിച്ചത്. ഡിസിസി ജനറൽ സെക്രട്ടറി സ്‌ഥാനത്തു നിന്ന് പുറത്താക്കപ്പെട്ട വ്യക്‌തിയാണ്‌ ഇദ്ദേഹം.
Also Read: വാശിയേറിയ പോരാട്ടം; ഗ്രാമപഞ്ചായത്തുകൾ കയ്യേറി എൽഡിഎഫ്
