ന്യൂഡെൽഹി: പനാമ വെളിപ്പെടുത്തലിന്റെ അടിസ്‌ഥാനത്തിൽ നടി ഐശ്വര്യ റായ്‌ എൻഫോഴ്‌സ്‌മെന്റ് ഡയറക്‌ടറേറ്റിന് മുന്നിൽ ഹാജരായി. ഉച്ചയ്‌ക്ക് 1.30ന് ഇഡിയുടെ ഡെൽഹി സോണൽ ഓഫിസിലാണ് ചോദ്യംചെയ്യൽ ആരംഭിച്ചത്. രാത്രി 7 മണി വരെ ചോദ്യം ചെയ്യൽ നീണ്ടു.
ഇഡി ഡെപ്യൂട്ടി ഡയറക്‌ടറുടെ നേതൃത്വത്തിൽ മൂന്നംഗ സംഘമായിരുന്നു ചോദ്യം ചെയ്യലിൽ പങ്കെടുത്തത്. 2006ൽ ബ്രിട്ടീഷ് വിർജിൻ ഐലാൻഡിൽ കടലാസ് കമ്പനി രൂപീകരിച്ച് ഐശ്വര്യ റായിയും കുടുംബാംഗങ്ങളും കോടിക്കണക്കിന് രൂപയുടെ കള്ളപ്പണം വെളുപ്പിച്ചു എന്നാണ് 2016ൽ പുറത്തുവന്ന പനാമ രേഖകളിലെ ആരോപണം.
ഇതുമായി ബന്ധപ്പെട്ട ചോദ്യം ചെയ്യലിനായി രണ്ടുതവണ ഇഡി നോട്ടീസ് നൽകിയിരുന്നെങ്കിലും ഐശ്വര്യ ഹാജരായിരുന്നില്ല. ഐശ്വര്യയുടെ ഭർതൃ പിതാവും നടനുമായി അമിതാഭ് ബച്ചന്റെ പേരും പനാമ രേഖകളിലുണ്ട്. അമിതാഭ് ബച്ചനും ചോദ്യം ചെയ്യലിന് ഹാജരാകാൻ ഇഡി ഉടൻ നോട്ടീസ് നൽകിയേക്കുമെന്നാണ് വിവരം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
