തിരുവനന്തപുരം/ കൊച്ചി: ഡീസലിന് പിന്നാലെ സംസ്ഥാനത്ത് പെട്രോൾ വിലയും സർവകാല റെക്കോഡിൽ. 35 പൈസയുടെ വർധനവാണ് സംസ്ഥാനത്ത് പെട്രോളിന് ഇന്ന് ഉണ്ടായിരിക്കുന്നത്. ഇതോടെ കൊച്ചിയിൽ പെട്രോളിന് ലിറ്ററിന് 86 രൂപ 32 പൈസയായി. 2018 ഒക്ടോബറിൽ കൊച്ചിയിലെ പെട്രോൾ വില 85 രൂപ 99 പൈസയിൽ എത്തിയിരുന്നു. ഈ റെക്കോഡാണ് ഇപ്പോൾ തകർന്നത്.
തിരുവനന്തപുരത്ത് ഇന്ന് പെട്രോൾ വില ലിറ്ററിന് 88 രൂപ 06 പൈസയാണ്. തിരുവനന്തപുരത്തെ ഗ്രാമങ്ങളിൽ ലിറ്ററിന് 89 രൂപ 50 പൈസയാകും.
അന്താരാഷ്ട്ര വിപണിയിൽ ക്രൂഡ് ഓയിലിന് വില കുറഞ്ഞ് നിൽക്കുമ്പോഴാണ് എണ്ണക്കമ്പനികൾ ഇന്ധനവില ഇത്തരത്തിൽ കുത്തനെ കൂട്ടുന്നത്.
അതേസമയം 37 പൈസയാണ് ഡീസലിന് ഇന്ന് വർധിച്ചത്. കൊച്ചിയിൽ ഇതോടെ ഡീസൽ വില 80 രൂപ 51 പൈസയായി. തിരുവനന്തപുരത്ത് ഡീസലിന് 82 രൂപ 14 പൈസയാണ് വില.
Read Also: ടിക് ടോക് ഉൾപ്പടെ 59 ചൈനീസ് ആപ്പുകളുടെ വിലക്ക് സ്ഥിരപ്പെടുത്തി കേന്ദ്രസര്ക്കാര്