ന്യൂഡല്ഹി: കേന്ദ്ര സര്ക്കാരിന്റെ അണ്ലോക്ക് നാലാം ഘട്ടത്തിന്റെ ഭാഗമായി സേവനം നിര്ത്തി വെച്ച മെട്രോ സര്വീസുകള് അടുത്ത മാസം മുതല് പുനരാരംഭിക്കും. നിരവധി സംസ്ഥാനങ്ങള് മെട്രോ സര്വീസുകള് പുനരാരംഭിക്കണമെന്ന ആവശ്യവുമായി മുന്നോട്ട് വന്നിരുന്നു. ഒരു മണിക്കൂറില് കൂടുതല് ആളുകള് മെട്രോ ട്രെയിനുകളില് ചിലവഴിക്കാത്തതിനാല് കര്ശനമായ മുന്കരുതലുകളോടെ സര്വീസുകള് ആരംഭിക്കാന് കഴിയും. ഇത് സംബന്ധിച്ച ഉത്തരവ് കേന്ദ്ര ആഭ്യന്തര മന്ത്രാലയം ഉടന് പുറത്തിറക്കും. എയര് കണ്ടീഷന് ചെയ്ത ബസുകള് ഉള്പ്പെടെ കോവിഡ് പ്രോട്ടോക്കോള് പാലിച്ച് കൊണ്ട് എല്ലാ ബസ് സര്വീസുകളും പുനരാരംഭിക്കാനും പദ്ധതിയുണ്ട്.
സ്കൂളുകളും കോളേജുകളും തുറക്കില്ല. ബാറുകള്ക്കും തുറന്ന് പ്രവര്ത്തിക്കാന് അനുമതി നല്കിയിട്ടില്ല. കൗണ്ടറിലൂടെയുള്ള മദ്യവില്പ്പന തുടരാം. സിനിമാ തിയേറ്ററുകള് തുറന്ന് പ്രവര്ത്തിക്കുന്ന കാര്യത്തില് തീരുമാനം ആയിട്ടില്ല. കേന്ദ്രം ഇളവുകള് പ്രഖ്യാപിച്ചാലും കൂടുതല് നിയന്ത്രണങ്ങള് ഏര്പ്പെടുത്താനുള്ള അധികാരം സംസ്ഥാനങ്ങള്ക്കുണ്ട്.