പാറ്റ്ന: പ്രധാനമന്ത്രി നരേന്ദ്ര മോദി ‘ജംഗിള് രാജ് കാ യുവരാജ്’ എന്ന് പരാമര്ശിച്ചതില് പ്രതികരിച്ച് മഹാസഖ്യത്തിന്റെ മുഖ്യമന്ത്രി സ്ഥാനാര്ഥിയും ആര്ജെഡി നേതാവുമായ തേജസ്വി യാദവ്. ബീഹാറിന്റെ യഥാര്ഥ പ്രശ്നങ്ങളായ അഴിമതി, ജോലി, കുടിയേറ്റ പ്രതിസന്ധി തുടങ്ങിയവയില് നിന്നും നിന്നും ശ്രദ്ധ തിരിക്കാനായി ഇത്തരത്തില് പല പരാമര്ശങ്ങളും മോദി നടത്തുമെന്നായിരുന്നു തേജസ്വി യാദവ് പ്രതികരിച്ചത്.
‘രാജ്യത്തെ പ്രധാനമന്ത്രിയായ അദ്ദേഹത്തിന് എന്തും പറയാന് കഴിയും, എന്നാല് അതിനോട് പ്രതികരിക്കാന് ഞാന് ആഗ്രഹിക്കുന്നില്ല. പക്ഷേ അദ്ദേഹം ബീഹാറിലെത്തി, ഒരു പ്രത്യേക പാക്കേജിനെ കുറിച്ചോ അല്ലെങ്കില് തൊഴിലില്ലായ്മ, കര്ഷകരുടെ പ്രശ്നങ്ങള് തുടങ്ങിയ യഥാര്ഥ വിഷയങ്ങളെ കുറിച്ച് എന്തെങ്കിലും സംസാരിച്ചിരുന്നെങ്കില് എന്ന് ആശിച്ചുപോകുകയാണ്. ഇത്തരം വിഷയങ്ങള് അല്ലെ അദ്ദേഹം സംസാരിക്കേണ്ടത്. അല്ലാതെ എന്തെങ്കിലും വിളിച്ചുപറഞ്ഞു പോകുകയാണോ വേണ്ടത്’- തേജസ്വി യാദവ് ചോദിച്ചു.
തേജസ്വി യാദവിന്റെ മാതാപിതാക്കളായ ലാലു പ്രസാദ് യാദവിന്റെയും റാബ്രി ദേവിയുടെയും 15 വര്ഷത്തെ ഭരണത്തെക്കുറിച്ച് കഴിഞ്ഞ ദിവസം മുസാഫര്പൂരില് നടന്ന ഒരു റാലിയില് പ്രധാനമന്ത്രി പരാമര്ശിച്ചിരുന്നു. ജംഗിള് രാജിന്റെ കിരീടാവകാശിയില് നിന്ന് നിങ്ങള് കൂടുതലൊന്നും പ്രതീക്ഷിക്കരുതെന്നും ആ കാലഘട്ടത്തിലേക്ക് ഇനിയും ബീഹാറികള് തിരിച്ചുപോകരുതെന്നും മോദി പറഞ്ഞിരുന്നു.
Read more: ലക്ഷ്യം സമാജ്വാദി പാര്ട്ടിയുടെ തോല്വി; മായാവതി