കൊച്ചി: എസ്‌ഡിപിഐ നേതാവ് കെഎസ് ഷാനിന്റെയും, ബിജെപി നേതാവ് രഞ്‌ജിത്‌ ശ്രീനിവാസിന്റെയും കൊലപാതകങ്ങളുമായി ബന്ധപ്പെട്ട് നടന്ന അന്വേഷണത്തിൽ പോലീസിന് ഗുരുതര വീഴ്‌ചയെന്ന് കോൺഗ്രസ് നേതാവ് രമേശ് ചെന്നിത്തല. കൊലയാളികൾ സംസ്‌ഥാനം വിട്ടെങ്കിൽ ഉത്തരവാദിത്തം പോലീസിനാണെന്നും കേരളത്തിലെ ക്രമസമാധാന നില തകർന്നുവെന്നും മുൻ ആഭ്യന്തരമന്ത്രി കൂടിയായ ചെന്നിത്തല ആരോപിച്ചു.
സംസ്‌ഥാനത്ത്‌ ഗുണ്ടാ സംഘങ്ങൾ വിഹരിക്കുമ്പോഴും പോലീസ് നിഷ്‌ക്രിയമാണ്. ഇത്രയും കഴിവുകെട്ട പോലീസ് സംവിധാനം ഇതിനു മുൻപ് ഉണ്ടായിട്ടില്ല. പ്രതികൾ കേരളം വിട്ടുവെന്ന് എഡിജിപി തന്നെ പറയുന്നു. ആദ്യ കൊലപാതകത്തിന് ശേഷം ആവശ്യമായ കരുതൽ ഉണ്ടായിരുന്നെങ്കിൽ രണ്ടാമത്തെ കൊലപാതകം തടയാൻ സാധിക്കുമായിരുന്നു; ചെന്നിത്തല പറഞ്ഞു.
കൊലയാളികൾ സംസ്‌ഥാനം വിട്ടെന്നും പോലീസ് അവർക്ക് പിന്നാലെ പോയിട്ടുണ്ടെന്നും എഡിജിപി വിജയ് സാഖറെ കഴിഞ്ഞ ദിവസം വ്യക്‌തമാക്കിയിരുന്നു. സംഭവങ്ങൾക്കു പിന്നിൽ ഉന്നത നേതാക്കളുടെ ഗൂഢാലോചനയുണ്ട്. അത് കേവലം ഒരാളല്ല. പങ്കുള്ളവരെയെല്ലാം പ്രതിപ്പട്ടികയിൽ ചേർക്കുമെന്നും എഡിജിപി അറിയിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
