പാലക്കാട്: ധൻബാദ് എക്‌സ്‌പ്രസിൽ കടത്തിക്കൊണ്ടുവന്ന 32 കിലോഗ്രാം കഞ്ചാവ് ഒലവക്കോട് റെയിൽവേ സ്‌റ്റേഷനിൽ പിടികൂടി. പാലക്കാട് ആർപിഎഫ് ക്രൈം ഇന്റലിജൻസ് ബ്രാഞ്ചും എക്‌സൈസും നടത്തിയ പരിശോധനയിൽ ജനറൽ കമ്പാർട്മെന്റിന്റെ സീറ്റിനടിയിൽ നിന്നാണ് മൂന്ന് ബാഗിലായി ഒളിപ്പിച്ച കഞ്ചാവ് പിടിച്ചെടുത്തത്.
പ്രതികളെ കുറിച്ച് കൂടുതൽ വിവരങ്ങളറിയാൻ വിശാഖപട്ടണം റെയിൽവേ സ്‌റ്റേഷനിലെ സിസിടിവി ദൃശ്യങ്ങളും ട്രെയിൻ റിസർവേഷൻ ചാർട്ടിലെ വിവരങ്ങളും പരിശോധിക്കുമെന്ന് ഉദ്യോഗസ്‌ഥർ പറഞ്ഞു. ആർപിഎഫ് കമാൻഡൻറ് ജെതിൻ ബി രാജിന്റെ നിർദ്ദേശപ്രകാരം ആർപിഎഫ് സിഐ രോഹിത് കുമാർ, എഎസ്‌ഐ കെ സജു, ഹെഡ് കോൺസ്‌റ്റബിൾ സജി അഗസ്‌റ്റിൻ, കോൺസ്‌റ്റബിൾ വി സവിൻ, എക്‌സൈസ് സ്‌ക്വാഡ് ഇൻസ്‌പെക്‌ടർ ഷൗക്കത്തലി എന്നിവരാണ് പരിശോധന സംഘത്തിലുണ്ടായിരുന്നത്.
Also Read: സംസ്‌ഥാനത്തിന്റെ സാമ്പത്തിക നില ഭദ്രം; മന്ത്രി തോമസ് ഐസക്
