ജിദ്ദ: സൗദി മലയാളി സമാജം പുരസ്കാരങ്ങളായ ‘പ്രവാസി മുദ്ര’ ‘പ്രവാസി പ്രതിഭ’ എന്നിവ പ്രഖ്യാപിച്ചു. പ്രശസ്ത നോവലിസ്റ്റും തിരക്കഥാകൃത്തുമായ എം മുകുന്ദനാണ് പ്രവാസി മുദ്ര അവാർഡ്. മുകുന്ദന്റെ പ്രവാസം നോവലിനാണ് അവാർഡ്.
സിനിമ സംവിധായകൻ, തിരക്കഥാകൃത്ത് , ജീവചരിത്രകാരൻ , മാദ്ധ്യമപ്രവർത്തകൻ എന്നിങ്ങനെ വിവിധ മേഖലകളിൽ കഴിവ് തെളിയിച്ചതിനും പ്രവാസികളുടെ തിരിച്ചുവരവിലെ ദുഃഖം പ്രകടമാക്കിയ ഉരു സിനിമയുടെ കഥയും തിരക്കഥയും എഴുതി സംവിധാനം ചെയ്തതിനുമാണ് ഇഎം അഷ്റഫ് പ്രവാസി പ്രതിഭ പുരസ്കാരത്തിന് അർഹനായത്.
അരലക്ഷം രൂപയും പ്രശസ്തി പത്രവും ദമ്മാം ദാർഅശിഹ ഓഡിറ്റോറിയത്തിൽവെച്ച് നവംബർ 17ന് രാത്രി 8 മണിക്ക് നടക്കുന്ന ചടങ്ങിൽ നൽകുമെന്ന് ഭാരവാഹികൾ അറിയിച്ചു. മാദ്ധ്യമ പ്രവർത്തകനും എഴുത്തുകാരനുമായ ജമാൽകൊച്ചങ്ങാടി ചെയർമാനായുള്ള ജൂറി കമ്മിററിയാണ് അവാർഡ് ജേതാക്കളെ തിരഞ്ഞെടുത്തത്.
Most Read: ക്ളാസ് മുറികളിലെ ഹിജാബ് അവകാശം ഭരണഘടനാപരം; ജസ്റ്റിസ് സുധാന്ഷു