കോവിഡ് ചികിത്സയില് അനിവാര്യമായ മെഡിക്കല് ഓക്സിജന് വിലനിയന്ത്രണം വരുന്നു. അവശ്യ മരുന്നിന്റെ പട്ടികയില് ഉള്പ്പെടുത്തി വാതകത്തിന്റെ വില ആറ് മാസത്തേക്ക് നിയന്ത്രിക്കാന് ദേശീയ ഔഷധവില നിയന്ത്രണ സമിതി തീരുമാനിച്ചു.
കോവിഡിനു മുന്പ് രാജ്യത്ത് ശരാശരി 750 മെട്രിക് ടണ് ഓക്സിജനാണ് ദിനംപ്രതി ചികിത്സാ രംഗത്ത് ആവശ്യം വന്നിരുന്നത്. നിലവിലത് 2800 മെട്രിക് ടണ്ണായി മാറിയിട്ടുണ്ട്. ഈ അവസാരത്തിലാണ് വില നിയന്ത്രണത്തിനുള്ള തീരുമാനം ഉണ്ടാകുന്നത്. ദ്രവ രൂപത്തിലുള്ള മെഡിക്കല് ഓക്സിജന് ക്യൂബിക് മീറ്ററിന് 15.22 രൂപയും സിലിന്ഡറിലുള്ള വാതകത്തിന് 25.71 രൂപയുമാണ് നിശ്ചയിച്ചിരിക്കുന്നത്. ഇതില് സിലിന്ഡറിന്റെ കൈകാര്യ ചെലവുകൂടി ചേര്ക്കണം. തദ്ദേശീയമായി ഉത്പാദിപ്പിച്ച് വിതരണം ചെയ്യുന്ന വാതകത്തിന്റെ വിലയാണിത്.
മറ്റൊരു ഉത്തരവ് ഉണ്ടായില്ലെങ്കില് 2021 മാര്ച്ച് 31 വരെ ഈ വിലയാണ് നിലവില് ഉണ്ടാവുകയെന്നും ഉത്തരവ് വ്യക്തമാക്കുന്നു. ഇന്ഹലേഷന് ഉപയോഗിക്കുന്ന വാതകം നിലവില് തന്നെ വില നിയന്ത്രണത്തിലാണ്.