ന്യൂഡെല്ഹി: ഉത്തര്പ്രദേശില് പെണ്കുട്ടികള്ക്ക് നേരേ നടന്ന ആസിഡ് ആക്രമണത്തില് സര്ക്കാരിനെതിരെ പ്രതികരണവുമായി എ ഐ സി സി ജനറല് സെക്രട്ടറി പ്രിയങ്ക ഗാന്ധി. യോഗി ആദിത്യ നാഥിന്റെ നേതൃത്വത്തില് യു പി ഭരിക്കുന്നതെന്ന് കുറ്റവാളികള്ക്ക് വേണ്ടിയുള്ള സര്ക്കാര് ആണെന്ന് പ്രിയങ്ക പറഞ്ഞു. ട്വിറ്ററിലൂടെയായിരുന്നു പ്രിയങ്കയുടെ പ്രതികരണം. പെണ്കുട്ടികളുടെ പിതാവിന്റെ പ്രതികരണവും പ്രിയങ്ക ട്വീറ്റില് ഉള്പ്പെടുത്തിയിട്ടുണ്ട്
‘സ്ത്രീകള്ക്കെതിരായ കുറ്റകൃത്യങ്ങളെ ന്യായീകരിക്കുകയാണ് യോഗി സര്ക്കാര്. കുറ്റവാളികളെ സംരക്ഷിക്കുന്ന യു പി സര്ക്കാരിന്റെ രാഷ്ട്രീയ നടപടികള് സ്ത്രീകള്ക്ക് എതിരെയുള്ള കുറ്റകൃത്യങ്ങള് വര്ധിക്കാന് കാരണമായിരിക്കുന്നു- പ്രിയങ്ക ട്വീറ്റ് ചെയ്തു.
This man’s three daughters aged 17, 10 & 8 were asleep in their home when someone entered and threw acid on them.
The UP government’s politically motivated narrative of justifying and protecting perpetrators of crimes against women has only emboldened criminals across the state. pic.twitter.com/WgThvDlYqB
— Priyanka Gandhi Vadra (@priyankagandhi) October 13, 2020
യുപിയിലെ ഗോണ്ടാ നഗരത്തില് മൂന്ന് ദളിത് പെണ്കുട്ടികള്ക്ക് നേരെയാണ് ആസിഡ് ആക്രമണം ഉണ്ടായത്. 8, 12, 17 വയസായ പെണ്കുട്ടികളുടെ മേല് ആസിഡ് ഒഴിച്ചിട്ട് അക്രമികള് കടന്നുകളഞ്ഞു. മൂത്തകുട്ടിക്ക് 35 ശതമാനവും രണ്ടാമത്തെ കുട്ടിക്ക് 25 ശതമാനവും ഇളയകുട്ടിക്ക് 5 ശതമാനവും പൊള്ളലേറ്റിട്ടുണ്ട്. മൂന്ന് പേരും ജില്ലാ ആശുപത്രിയില് ചികില്സയിലാണ്.
Read also: ചാണക ചിപ്പ് റേഡിയേഷന് തടയും; പരിഹസിച്ച് പ്രശാന്ത് ഭൂഷണ്