ന്യൂഡെൽഹി: വരുന്ന പഞ്ചാബ് നിയമസഭാ തിരഞ്ഞെടുപ്പിൽ പട്യാല നിയമസഭാ മണ്ഡലത്തിൽനിന്ന് മൽസരിക്കുമെന്ന് വ്യക്‌തമാക്കി പഞ്ചാബ് മുൻ മുഖ്യമന്ത്രിയും പഞ്ചാബ് ലോക് കോൺഗ്രസ് പാർട്ടി സ്‌ഥാപകനുമായ അമരീന്ദർ സിംഗ്.
‘ഞാൻ പട്യാലയിൽ നിന്ന് മൽസരിക്കും. പട്യാല 400 വർഷമായി ഞങ്ങളോടൊപ്പമുണ്ട്. നവ്ജ്യോത് സിങ് സിദ്ദു കാരണം ഞാൻ അത് ഉപേക്ഷിക്കാൻ പോകുന്നില്ല’, അദ്ദേഹം പറഞ്ഞു.
നേരത്തെ നാലു തവണ പട്യാലയിൽ നിന്ന് അമരീന്ദർ മൽസരിച്ചു വിജയിച്ചിരുന്നു. അമരീന്ദർ കുടുംബത്തിന്റെ ശക്‌തി കേന്ദ്രമാണ് പട്യാല. അമരീന്ദറിന്റെ ഭാര്യ പ്രണീത് കൗർ 2014 മുതൽ 2017 വരെ മൂന്നു വർഷക്കാലം പട്യാലയെ പ്രതിനിധീകരിച്ചു.
അതേസമയം കോണ്‍ഗ്രസുമായുള്ള അസ്വാരസ്യങ്ങളെ തുടർന്നാണ് അമരീന്ദർ മുഖ്യമന്ത്രി സ്‌ഥാനവും പിന്നാലെ പാർട്ടി അംഗത്വവും രാജിവെക്കുകയും ‘പഞ്ചാബ് ലോക് കോൺഗ്രസ്’ എന്ന പുതിയ പാർട്ടി പ്രഖ്യാപിച്ചതും. ഈ മാസം തുടക്കത്തിലായിരുന്നു പാർട്ടി പ്രഖ്യാപനം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
