മലപ്പുറം : നിയമസഭാ തിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ മലപ്പുറം ജില്ലയിലെ നിലമ്പൂർ മണ്ഡലത്തിൽ എൽഡിഎഫ് സ്‌ഥാനാർഥി പിവി അൻവർ വിജയിച്ചു. 2,794 വോട്ടുകളുടെ ഭൂരിപക്ഷത്തോടെയാണ് യുഡിഎഫ് സ്‌ഥാനാർഥി വിവി പ്രകാശിനെ പരാജയപ്പെടുത്തി പിവി അൻവർ വിജയം കൈവരിച്ചത്.
കഴിഞ്ഞ ദിവസമാണ് മണ്ഡലത്തിലെ യുഡിഎഫ് സ്‌ഥാനാർഥി വിവി പ്രകാശ് ഹൃദയാഘാതത്തെ തുടർന്ന് മരിച്ചത്. പല തവണ അദ്ദേഹം ലീഡ് നിലയിൽ മുന്നിൽ വന്നിരുന്നു. എന്നാൽ മണ്ഡലത്തിലെ വോട്ടെണ്ണൽ പൂർത്തിയായതോടെ എൽഡിഎഫ് സ്‌ഥാനാർഥി പിവി അൻവർ വിജയം സ്വന്തമാക്കുകയായിരുന്നു.
നിരവധി വിവാദങ്ങളില്‍ ഉൾപ്പെട്ട എംഎല്‍എ കൂടിയാണ് പി വി അന്‍വര്‍. തിരഞ്ഞെടുപ്പിന്റെ അവസാന ദിവസങ്ങളില്‍ ഇദ്ദേഹത്തെ കാണാനില്ലെന്ന് ആരോപിച്ച് യൂത്ത് കോണ്‍ഗ്രസ് പ്രവര്‍ത്തകര്‍ പരാതി നല്‍കിയിരുന്നു.
Read also : ‘എന്റെ ജയത്തേക്കാള്‍ ആഗ്രഹിച്ച വിജയം’; എംബി രാജേഷിന് ആശംസകളുമായി പിവി അന്‍വര്‍
