രജനികാന്ത്- നെൽസൺ ദിലീപ് കുമാർ കൂട്ടുകെട്ടിൽ ഒരുങ്ങുന്ന പുതിയ ചിത്രത്തിന്റെ ടൈറ്റിൽ പുറത്തുവിട്ടു. ‘ജയിലർ’ എന്നാണ് സിനിമയുടെ പേര്. സൺ പിക്ചേഴ്സ്സിന്റെ സോഷ്യൽ മീഡിയ ഹാൻഡിലുകളിലൂടെയാണ് ടൈറ്റിൽ റിലീസ് ചെയ്തിരിക്കുന്നത്.
തലൈവർ ആരാധകർ ഏറെ പ്രതീക്ഷയോടെ കാത്തിരിക്കുന്ന സിനിമയുടെ ചിത്രീകരണം ആഗസ്റ്റില് ആരംഭിക്കുമെന്നാണ് റിപ്പോര്ട്ടുകൾ. ചിത്രംവര്ഷം ഏപ്രിലോടെ തിയേറ്ററുകളില് എത്തിക്കാനാണ് അണിയറ പ്രവർത്തകരുടെ ശ്രമം. സണ് പിക്ചേഴ്സ് ആണ് ചിത്രം നിർമിക്കുന്നത്.
സിനിമയെക്കുറിച്ചുള്ള കൂടുതല് വിവരങ്ങള് പുറത്തുവിട്ടിട്ടില്ല. എന്നിരുന്നാലും മുഴുനീള ആക്ഷന് ചിത്രമായിരിക്കും ‘ജയിലർ’ എന്നാണ് ലഭിക്കുന്ന വിവരം. സിനിമയുടെ പ്രീ പ്രൊഡക്ഷന് ജോലികള് പുരോഗമിക്കുകയാണ്. കഥയുടെ അവസാന ഘട്ട ജോലിയിലാണ് സംവിധായകനെന്നും റിപ്പോർട്ടുകളുണ്ട്.
രജനികാന്തിനൊപ്പം ശിവരാജ് കുമാറും ചിത്രത്തിന്റെ ഭാഗമാകും. ചിത്രത്തിന്റെ സംഗീത സംവിധാനം അനിരുദ്ധ് രവി ചന്ദ്രനാണ്. ശിവകാര്ത്തികേയനും ചിമ്പുവും ചിത്രത്തിന്റെ ഭാഗമായേക്കുമെന്നും റിപ്പോര്ട്ടുകളുണ്ട്. സിനിമയുടെ കൂടുതല് വിവരങ്ങള് ചിത്രീകരണം ആരംഭിച്ച ശേഷം പുറത്തുവിടും.
Most Read: കോവിഡ് വാക്സിന്റെ കരുതൽ ഡോസ്; ഇടവേള 6 മാസമായി കുറയ്ക്കാൻ ശുപാർശ