തിരുവനന്തപുരം: സംസ്ഥാന പോലീസ് മേധാവി ലോക്നാഥ് ബെഹ്റക്കെതിരെ ആരോപണവുമായി പ്രതിപക്ഷ നേതാവ് രമേശ് ചെന്നിത്തല. ഡിജിപി യുഡിഎഫ് നേതാക്കളെ കള്ളക്കേസില് കുടുക്കാന് ശ്രമിക്കുന്നതായും സര്ക്കാരിന് വേണ്ടി വഴിവിട്ട് പ്രവര്ത്തിക്കുന്നതായും രമേശ് ചെന്നിത്തല ആരോപിച്ചു. കേരള ആദിവാസി കോണ്ഗ്രസിന്റെ സെക്രട്ടേറിയേറ്റ് ധര്ണ ഉല്ഘാടനം ചെയ്യുകയായിരുന്നു അദ്ദേഹം.
ഡിജിപി സര്ക്കാരിന് വേണ്ടി എന്ത് വിടുപണിയും ചെയ്യുമെന്ന് വ്യക്തമായതായി ചെന്നിത്തല പറഞ്ഞു. കേരളം കണ്ടതില് വെച്ച് ഏറ്റവും വലിയ അഴിമതിക്കാരനായ ഡിജിപിയാണ് ഇപ്പോഴുള്ളതെന്നും പ്രതിപക്ഷ നേതാവ് ആഞ്ഞടിച്ചു. സര്ക്കാരിന്റെ അഴിമതി തുറന്ന് കാട്ടുന്നവര്ക്കെതിരെ കള്ളക്കേസെടുക്കാന് ഡിജിപി കൂട്ടു നില്ക്കുന്നു എന്നാണ് പ്രതിപക്ഷ നേതാവ് ഉന്നയിച്ച പ്രധാന ആരോപണം.
അതേസമയം യുഡിഎഫ് അധികാരത്തില് വന്നാല് ഡിജിപിക്കെതിരെ ഒരു കമ്മീഷനെ വെച്ച് അന്വേഷണം നടത്തുമെന്നും ചെന്നിത്തല അറിയിച്ചു.
Read Also: ഉൽഘാടന ചടങ്ങിൽ വിളിച്ചുവരുത്തി അപമാനം; റൂറൽ എസ്പിക്കെതിരെ പരാതി