ക്വാറിയിൽ നിന്ന് മണ്ണ് നീക്കുന്നു; ഇരുപതോളം കുടുംബങ്ങൾ ആശങ്കയിൽ

By News Desk, Malabar News
Representational Image
Ajwa Travels

വെങ്ങപ്പള്ളി: പഞ്ചായത്തിലെ ഒൻപതാം വാർഡിൽ പ്രവർത്തിക്കുന്ന വയനാട് ഗ്രാനൈറ്റ് ക്വാറി ഖനന പ്രദേശത്തുനിന്ന് വൻതോതിൽ മണ്ണ് നീക്കം ചെയ്യുന്നതായി പരാതി. നീക്കം ചെയ്‌ത മണ്ണ് പ്രദേശത്ത് തന്നെ കൂട്ടിയിട്ട് പ്‌ളാസ്‌റ്റിക്‌ കവർ കൊണ്ട് മൂടിയിരിക്കുകയാണ്. മഴ പെയ്‌താൽ ഈ മണ്ണ് ഒലിച്ചിറങ്ങി സമീപത്തെ കൃഷിയിടത്തിലേക്കും ജനവാസ കേന്ദ്രത്തിലേക്കും എത്താനുള്ള സാധ്യത ഏറെയാണെന്നാണ് പ്രദേശവാസികൾ പറയുന്നത്.

മഞ്ഞിലേരി ആദിവാസി കോളനി ഉൾപ്പടെ ഇരുപതോളം വീട്ടുകാർ ആശങ്കയോടെയാണ് കഴിയുന്നത്. കഴിഞ്ഞ മഴക്കാലത്ത് ക്വാറി പ്രദേശത്തുനിന്ന് മണ്ണ് ഒലിച്ചിറങ്ങിയിരുന്നു. വിവരം മൈനിങ് ആൻഡ് ജിയോളജി, സബ് കളക്‌ടർ ഓഫീസ് അധികൃതരെ അറിയിച്ചിട്ടും പരിഹാരം ഉണ്ടായില്ലെന്ന് ജനങ്ങൾ പറയുന്നു.

കാലവർഷം ശക്‌തമായാലുള്ള കെടുതികൾ തടയാൻ ജില്ലാ ദുരന്തനിവാരണ അതോറിറ്റി ഇടപെടണമെന്നും നടപടി സ്വീകരിക്കണമെന്നും കർമസമിതി ഭാരവാഹികൾ ആവശ്യപ്പെട്ടു. ചെയർമാൻ പി കുഞ്ഞമ്മദ്, കെ. ദാമോദരക്കുറുപ്പ്, സലീം ബാവ, സി ഷൈജൽ, ഷാജി മഞ്ഞിലേരി തുടങ്ങിയവർ സംസാരിച്ചു.

Also Read: സംസ്‌ഥാനത്ത് കോവിഡ് വ്യാപനത്തിൽ വർധന; നിയന്ത്രണങ്ങൾ കടുപ്പിക്കാൻ തീരുമാനം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE