തദ്ദേശഭരണ സ്ഥാപനങ്ങളിലെ അധ്യക്ഷ പദവിയില് തുടര്ച്ചയായി മൂന്നുതവണ സംവരണം പാടില്ലെന്ന് ഹൈക്കോടതി. രണ്ട് തവണയായി സംവരണ സീറ്റായിരുന്ന അധ്യക്ഷ പദവി പൊതു വിഭാഗത്തിലാക്കണം. ഈ സ്ഥാനങ്ങള് ഒഴിവാക്കി വീണ്ടും നറുക്കെടുപ്പ് നടത്തണമെന്നും ഹൈക്കോടതി ആവശ്യപ്പെട്ടു.
Also Read: തദ്ദേശ തിരഞ്ഞെടുപ്പ്; മോക്ക് പോള് നടത്തി
തദ്ദേശഭരണ സ്ഥാപനങ്ങളിലെ അധ്യക്ഷ പദവികളിലെ സംവരണ രീതികളില് ആക്ഷേപമുള്ള ഇടങ്ങളിലാണ് മാറ്റമുണ്ടാവുക. ഡിവിഷനുകളുടെയും വാര്ഡുകളുടെയും കാര്യത്തില് നിലവിലെ സംവരണ രീതിയനുസരിച്ച് തന്നെ തിരഞ്ഞെടുപ്പ് നടക്കും. തുടര്ച്ചയായി സംവരണം ഉണ്ടാകുന്നത് പൊതുവിഭാഗങ്ങളുടെ അവകാശത്തെ ഹനിക്കലാണ്. അതിനാല് രണ്ടുതവണയോ അതില് കൂടുതലോ സംവരണം വന്നിരിക്കുന്ന സ്ഥലങ്ങളില് വീണ്ടും നറുക്കെടുപ്പ് നടത്തണമെന്ന് കോടതി നിര്ദേശിച്ചു.
പട്ടികജാതി, വനിതാ സംവരണം അടക്കമുള്ളവ വന്നതിന് ശേഷം വീണ്ടും സംവരണ സീറ്റ് വന്നതോടെ ആക്ഷേപം ഉണ്ടായതിനെ തുടര്ന്നാണ് ഹൈക്കോടതി ഈ വിഷയത്തില് ഇടപെട്ടിരിക്കുന്നത്.