പാറ്റ്ന: തെരഞ്ഞെടുപ്പിന് ശേഷം രാഷ്ട്രീയത്തില് നിന്ന് വിരമിക്കുമെന്ന് താന് ആരോടും പറഞ്ഞിട്ടില്ലെന്ന വാദവുമായി രംഗത്തെത്തിയ ബീഹാര് മുഖ്യമന്ത്രി നിതീഷ് കുമാറിനെ പരിഹസിച്ച് ആര്ജെഡി. നിതീഷ് വാക്കുമാറ്റുമെന്ന് നേരത്തെ തന്നെ ആര്ജെഡി സൂചന നല്കിയിരുന്നു.
ഇത് തന്റെ അവസാന തെരഞ്ഞെടുപ്പാണെന്ന് പ്രഖ്യാപിച്ചതിന് പിന്നാലെ തന്നെ ബിജെപിയുമായി നിതീഷ് തെറ്റിപ്പിരിഞ്ഞ സമയത്തുള്ള പഴയൊരു വീഡിയോ ആര്ജെഡി പങ്കുവെച്ചിരുന്നു. ഇപ്പോള് വീണ്ടും നിതീഷ് വാക്കുമാറ്റിയതിന് പിന്നാലെ ഈ വീഡിയോയെക്കുറിച്ച് ചര്ച്ച സജീവമായി.
താൻ അതിജീവിച്ചാലും ഇല്ലെങ്കിലും, ബിജെപിയുമായി സഖ്യം കൂടുന്നതിനെക്കുറിച്ച് ഒരു ആലോചനയെ ഇല്ലെന്നാണ് നിതീഷ് വീഡിയോയില് പറയുന്നത്. ബിജെപിയുമായുള്ള അധ്യായം അടഞ്ഞെന്നും നിതീഷ് അന്ന് പറഞ്ഞിരുന്നു. എന്നാല് 2013ല് ബിജെപിയുമായുള്ള ബന്ധം വിട്ട നിതീഷ് 2017ല് വീണ്ടും ബിജെപിക്കൊപ്പം പോയി.
ഇത്തവണ തെരഞ്ഞെടുപ്പ് പ്രചരണത്തിന്റെ അവസാന ദിവസമായിരുന്നു ഇത് തന്റെ അവസാനത്തെ തെരഞ്ഞെടുപ്പ് ആണെന്ന നിതീഷിന്റെ പ്രഖ്യാപനം. ‘നാളെ കഴിഞ്ഞാല് വോട്ടെടുപ്പ് ഇതെന്റെ അവസാന തെരഞ്ഞെടുപ്പാണ്. എല്ലാം നല്ലതാണ്, അന്ത്യവും ശുഭമായിരിക്കട്ടെ’ എന്നായിരുന്നു അദ്ദേഹം പറഞ്ഞത്.
എന്നാല് താൻ എല്ലാ തെരഞ്ഞെടുപ്പിലും അവസാന റാലിയില് എല്ലാം നന്നായി അവസാനിക്കുമെന്ന് പറയാറുണ്ടെന്നും തന്റെ ആ വാചകം തെറ്റായ് വ്യാഖാനിച്ചുവെന്നും നിതീഷ് പറഞ്ഞു.
Read also: വിരമിക്കുമെന്ന് പറഞ്ഞിട്ടില്ലെന്ന് നിതീഷ്; തിരഞ്ഞെടുപ്പ് തന്ത്രമായിരുന്നെന്ന് വിമര്ശകര്