കോയമ്പത്തൂർ: തമിഴ്‌നാട്‌ കോയമ്പത്തൂരിൽ ഐസ്‌ക്രീമിൽ മദ്യം കലർത്തി വിൽപന നടത്തിയ കട പൂട്ടിച്ചു. പാപനായ്‌ക്കർ പാളയത്ത് പ്രവർത്തിച്ചിരുന്ന റോളിംഗ് ഡോ കഫെ എന്ന സ്‌ഥാപനമാണ് ഭക്ഷ്യ സുരക്ഷാ വകുപ്പ് പൂട്ടിച്ചത്. പരിശോധനയിൽ പലതരം മദ്യവും മദ്യം കലർന്ന ഐസ്‌ക്രീമുകളും പിടിച്ചെടുത്തു. നാട്ടുകാരുടെ പരാതിയെ തുടർന്നായിരുന്നു പരിശോധന.
കടയിൽ ഭക്ഷണം ഉണ്ടാക്കുന്ന ഭാഗം വൃത്തിഹീനമായിരുന്നു. കൊതുകും ഈച്ചയും ആർത്തിരിക്കുന്നതാണ് പരിശോധനയിൽ കണ്ടെത്തിയത്. കടയിലെ ജീവനക്കാർക്ക് മെഡിക്കൽ ഫിറ്റ്‌നസ്‌ സർട്ടിഫിക്കറ്റുകൾ ഉണ്ടായിരുന്നില്ല. തലയിൽ തൊപ്പി, കൈയ്യുറ, ഫേസ് മാസ്‌ക് എന്നിവ ഉപയോഗിക്കുന്നില്ലെന്നും ഭക്ഷ്യ വകുപ്പ് കണ്ടെത്തിയിരുന്നു.
പരിശോധനയ്‌ക്ക് പിന്നാലെ കടയുടെ ലൈസൻസ് റദ്ദാക്കാനും അടച്ചുപൂട്ടാനും തമിഴ്‌നാട്‌ ആരോഗ്യമന്ത്രി മാ സുബ്രഹ്‌മണ്യം ഉത്തരവിട്ടതിനെ തുടർന്നാണ് നടപടി.
Also Read: വിദ്യാർഥിനികൾക്ക് സ്‌മാർട് ഫോണും സ്‌കൂട്ടിയും; യുപിയിൽ വാഗ്‌ദാനവുമായി പ്രിയങ്ക
