തിരുവനന്തപുരം: സംസ്‌ഥാനത്ത്‌ സ്‌കൂളുകൾ തുറക്കുന്നത് വൈകുമെന്ന് വിദ്യാഭ്യാസ മന്ത്രി വി ശിവൻകുട്ടി. കോവിഡ് വ്യാപനം തുടരുന്ന സാഹചര്യത്തിൽ പ്ളസ് വൺ പരീക്ഷ മാറ്റിവെച്ചുകൊണ്ടുള്ള സുപ്രീം കോടതി ഉത്തരവ് ചൂണ്ടിക്കാട്ടിയായിരുന്നു മന്ത്രിയുടെ പ്രതികരണം.
സ്‌കൂൾ തുറക്കൽ സംബന്ധിച്ച് സുപ്രീം കോടതിയുടെ വിധി നിർണായകമാകും. കോടതിവിധി അനുകൂലമാണെങ്കിൽ മാത്രം സ്‌കൂൾ തുറക്കുന്ന നടപടിയുമായി മുന്നോട്ടുപോകൂ. വിദഗ്‌ധ സമിതി നിയമനം സുപ്രീം കോടതി വിധിക്ക് ശേഷമേയുള്ളൂ എന്നും മന്ത്രി പറഞ്ഞു.
ഈ മാസം ആദ്യം നടത്താനിരുന്ന പ്ളസ് വൺ പരീക്ഷയാണ് സുപ്രീം കോടതി ഇടപെട്ട് റദ്ദാക്കിയത്. കേരളത്തിലെ കോവിഡ് വ്യാപന സാഹചര്യത്തില്‍ പരീക്ഷ നടത്തരുതെന്ന് ചൂണ്ടിക്കാട്ടി തിരുവനന്തപുരം കീഴാറ്റിങ്ങല്‍ സ്വദേശി നല്‍കിയ ഹരജിയിലാണ് കോടതിയുടെ നിര്‍ണായക ഉത്തരവ് ഉണ്ടായത്. ഹരജി ഒക്‌ടോബറിൽ വീണ്ടും പരിഗണിക്കും.
അടുത്ത മാസം മുതൽ ഘട്ടം ഘട്ടമായി സ്‌കൂളുകൾ തുറക്കാൻ സർക്കാർ ആലോചിക്കവേയാണ് കോടതിവിധി തിരിച്ചടിയായത്. ആദ്യഘട്ടത്തിൽ ഹൈസ്‌കൂൾ, ഹയർ സെക്കണ്ടറി ക്‌ളാസുകൾ തുടങ്ങാനായിരുന്നു ആലോചന.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
