തിരുവനന്തപുരം : സംസ്ഥാനത്ത് ഏപ്രിൽ 30ആം തീയതി രാത്രി 11.30 വരെ കടലാക്രമണത്തിനും ഉയർന്ന തിരമാലക്കും സാധ്യതയുള്ളതായി ദേശീയ സമുദ്ര സ്ഥിതി പഠന ഗവേഷണ കേന്ദ്രം(INCOIS) അറിയിച്ചു. കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂർ, കാസർഗോഡ് എന്നീ തീരപ്രദേശങ്ങളിലും താഴ്ന്ന പ്രദേശങ്ങളിലുമാണ് കടലാക്രമണ സാധ്യതാ മുന്നറിയിപ്പ് നൽകിയിട്ടുള്ളത്.
ഒന്ന് മുതൽ 1.5 മീറ്റർ വരെ ഉയരത്തിൽ തിരമാല ഉണ്ടാകാനാണ് സാധ്യതയെന്നാണ് കേന്ദ്രം വ്യക്തമാക്കിയത്. അതിനാൽ തന്നെ മൽസ്യ തൊഴിലാളികളും, തീരദേശത്ത് താമസിക്കുന്ന ആളുകളും കർശന ജാഗ്രത പുലർത്തണമെന്ന് അധികൃതർ മുന്നറിയിപ്പ് നൽകി. അതേസമയം തന്നെ ആഴക്കടലിൽ മൽസ്യബന്ധനം തുടരുന്നതിൽ പ്രശ്നമില്ലെന്നും അധികൃതർ വ്യക്തമാക്കിയിട്ടുണ്ട്.
Read also : കരിപ്പൂരിൽ ഒരു കോടിയുടെ സ്വർണം പിടിച്ചെടുത്തു