കോഴിക്കോട്: ജില്ലയിൽ മദ്യലഹരിയിൽ ആയിരുന്ന സുഹൃത്ത് പെട്രോൾ ഒഴിച്ച് തീകൊളുത്തിയതിനെ തുടർന്ന് ചികിൽസയിൽ കഴിഞ്ഞിരുന്ന യുവാവ് മരിച്ചു. കോഴിക്കോട് കൊടുവള്ളി സ്വദേശി ഷൗക്കത്ത്(48) ആണ് മരിച്ചത്. കഴിഞ്ഞ മാസം 13ആം തീയതിയാണ് ഷൗക്കത്തിനെ മദ്യ ലഹരിയിൽ ആയിരുന്ന സുഹൃത്ത് ആക്രമിച്ചത്.
കോഴിക്കോട് റെയിൽവേ സ്‌റ്റേഷൻ പരിസരത്തുള്ള കടയുടെ വരാന്തയിൽ വച്ചാണ് ആക്രമണം നടന്നത്. സുഹൃത്തും തമിഴ്‌നാട് സ്വദേശിയുമായ മണിയാണ് ഷൗക്കത്തിനെ പെട്രോൾ ഒഴിച്ച് തീകൊളുത്തിയത്. മദ്യ ലഹരിയിൽ ഉണ്ടായ തർക്കമാണ് ആക്രമണത്തിൽ കലാശിച്ചതെന്നാണ് നിഗമനം. ആക്രമണത്തിന് ശേഷം തലശേരിയിൽ നിന്നുമാണ് മണിയെ പോലീസ് പിടികൂടിയത്.
Read also: പോപ്പുലർ ഫ്രണ്ടിന് പരിശീലനം നൽകിയതിൽ ഗുരുതര വീഴ്‌ച; നടപടിക്ക് ശുപാർശ
